Ղարաբաղի ԿԸՀ-ն նոր կայք է ներկայացրել

Ղարաբաղի ԿԸՀ-ն նոր կայք է ներկայացրել

ՍՏԵՓԱՆԱԿԵՐՏ, 28 ապրիլի. /ԱՌԿԱ/. Ստեփանակերտում նախօրեին տեղի է ունեցել Լեռնային Ղարաբաղի Կենտրոնական ընտրական հանձնաժողովի նոր կայքի շնորհանդեսը (www.cec.am), հաղորդում է «ԱՌԿԱ» գործակալության թղթակիցը ԼՂՀ-ի մայրաքաղաքից:

Շնորհանդեսի ընթացքում ԼՂՀ ԿԸՀ-ի նախագահ Ռաշիդ Պետրոսյանը հայտարարել է, որ այսուհետ նոր կայքի միջոցով կարելի կլինի ծանոթանալ հանձնաժողովի աշխատանքին, Ընտրական օրենսգրքի կետերին և նորմատիվ այլ ակտերին:

«Կայքն այսուհետ պարբերաբար թարմացվելու է: Այն դեռ գործում է միայն հայերենով, սակայն մշակման փուլում են գտնվում կայքի ռուսերեն և անգլերեն տարբերակները: Նոր կայքի միջոցով ԼՂՀ քաղաքացիները կկարողանան կապվել մեր հանձնաժողովի հետ նրանց հուզող հարցերի կապակցությամբ», - նշել է Պետրոսյանը:

Նա հայտարարել է, որ տարածքային ընտրական հանձնաժողովները կապահովվեն համակարգիչներով, և համացանցի միջոցով ընտրությունների մասին ամենաթարմ տեղեկությունն անմիջապես կհրապարակվի կայքում:

Կայքի շնորհանդեսին ներկա էին ԼՂՀ ԿԸՀ-ի անդամները, տարածքային ընտրական հանձնաժողովների նախագահները, ԼՂՀ ԿԸՀ-ի, ոստիկանության պատասխանատու աշխատակիցներ և լրագրողներ:-0-

20:20 28.04.2011





 

« Հոկտեմբեր 2017

Երկ
Երք
Չոր
Հնգ
Ուրբ
Շաբ
Կիր
 
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
 
 
 
 
Մականուն:
Գաղտնաբառ:

Գրանցվել
Եթե դուք ցանկանում եք նոր կայքը, խնդրում ենք լրացնել գրանցման ձեւը:

Մուտքագրեք կայքում կարող եք օգտագործել Ձեր հաշիվը ցանկացած է հետեւյալ ծառայությունները:

×