ԱՇԽԱՐՀՈՒՄ ԿԱ ԱՎԵԼԻ ՔԱՆ ՄԵԿ ՄԻԼԻԱՐԴ ԻՆՏԵՐՆԵՏ-ՕԳՏԱԳՈՐԾՈՂ
ԵՐԵՎԱՆ, 26 հունվարի. /ԱՌԿԱ/. Աշխարհում Ինտերնետից օգտվողների թիվը 2008 թվականի դեկտեմբերին գերազանցել է 1 մլրդի ցուցանիշը, ասվում է comScore հետազոտական ընկերության նոր հաշվետվությունում։
Ընկերության մասնագետները նշում են նաև, որ Ցանցից օգտնվողների իրական թիվն ամբողջ աշխարհում ավելի մեծ է, քանի որ comScore հաշվել է միայն 15 տարեկաինց բարձր մարդկանց, ովքեր Ինտերնետ են մտնում տանը կամ աշխատանքային վայրում, հաղորդում է Cnews-ը։
«Օգտագործողների 1 մլրդ ցուցանիշի հաղթահարումը շատ կարևոր փուլ է ինտերնետի պատմութայն մեջ։ Դա հիշեցնում է մեզ այն մասին, որ աշխարհն իսկապես մեկ ամբողջություն է դառնում, և մենք ապրում ենք մեկ ընդհանուր համաշխարհային հանրությունում։ Ես կարծում եմ, որ մարդկանց երկրորդ և երրորդ միլիարդները ինտերնետ կգան ավելի արագ»,- ասել է comScore-ի գործադիր տնօրեն Մագիդ Աբրահամը (Magid Abraham)։ -0-
Ծանոթացեք լուրերին առաջինն ու քննարկեք դրանք մեր Telegram-ում
00:48 27.01.2009