Երևան, 12 ապրիլի, /ԱՌԿԱ/. Ընդդիմադիր հայ հեղափոխական դաշնակցություն կուսակցությունը հինգշաբթի խորհրդարանական ընտրությունների շեմին իր նոր` www.arf2012.am կայքն է ներկայացրել:

«Մենք օգտագործում ենք ժամանակակից ցանկացած միջոց, որպեսզի մեր ընտրողները կարողանան տալ իրենց հետաքրքրող հարցերը, և առաջարկներ անել, որոնք մենք հաշվի կառնենք մեր քաղաքական գործունեության մեջ»,- ասել է ՀՅԴ Գերագույն մարմնի ներկայացուցիչ Արմեն Ռուստամյանը կայքի շնորհանդեսի ժամանակ:

Ռուստամյանի խոսքերովч կայքն ակտիվ կլինի ընթացիկ տարվա մայիսի 6-ի խորհրդարանական ընտրություններից հետո նույնպես` հաշվի առնելով 2013թ. Հայաստանում կայանալիք նախագահական ընտրությունները:

Իր հերթին, ՀՅԴ քարոզչական խմբի անդամ Վահան Վարդանյանը նշեց, որ կայքում, որը ներկա պահին միայն հայերեն է, կուսակցության նախընտրական գործունեությանն առնչվող նորությունները, ինչպես նաև ֆոտո և վիդեոնյութերը կթարմացվեն օպերատիվ կերպով:

«Օգտվողները կկարողանան ծանոթանալ կուսակցության անդամների կայանալիք ելույթների և հանդիպումների անոնսներին»,- ասաց Վարդանյանը՝ մեկնաբանելով, որ կայքի մի առանձին բաժինը նվիրված է կուսակցության նախընտրական ծրագրին:

«Կայքում նաև կա քարտեզ, որում ցույց են տրված Հայաստանում մեր կուսակցության նախընտրական բոլոր շտաբերը, ինչպես նաև կոնտակտային տվյալներ»,- ասաց նա:

Կայքում, որն ապահովված է բավականին լավ պաշտպանական համակարգով, ներկայացված են կուսակցության մեծամասնական և համամասնական ցուցակները, ինչպես նաև պատգամավորության բոլոր թեկնածուների կենսագրությունները: -0-

 

Ծանոթացեք լուրերին առաջինն ու քննարկեք դրանք մեր Telegram-ում

17:49 12.04.2012