Համացանցային գլոբալ խափանում.ի՞նչ է հայտնի այս պահի դրությամբ

ԵՐԵՎԱՆ, 5 հոկտեմբերի./ԱՌԿԱ/. Facebook-ի, WhatsApp–ի և Instagram–ի աշխատանքը խափանվել է, հաղորդում է ՌԲԿ-ն։

Խափանումը գրանցվել է հոկտեմբերի 4–ին Երևանի ժամանակով ժամը 19–ի սահմաններում։

Օգտատերերը սկսեցին դժգոհել, որ իրենց Facebook-ը, WhatsApp–ը և Instagram–ը չեն աշխատում, հաղորդում է Downdetector պորտալը։

Սոցցանցերի աշխատանքից բողոքում են Ռուսաստանում, ԱՄՆ–ում, Մեծ Բրիտանիայում, Կանադայում, Նիդերլանդներում, Գերմանիայում, Իտալիայում, Ֆրանսիայում և այլն։

Facebook–ի ղեկավարությունը Twitter-ի իր էջում գրել է. «Մենք տեղյակ ենք, որ որոշ մարդիկ խնդիրներ ունեն մեր հավելվածների և պրոդուկտների հասանելության հետ կապված։ Աշխատում ենք հնարավորինս արագ ամեն ինչ կարգավորելու ուղղությամբ և ներողություն ենք խնդրում հնարավոր անհարմարությունների համար», – նշվում է հաղորդագրության մեջ։

Instagram–ում ևս հաստատել են հավելվածի հետ կապված խնդիրները։

«Սպասեք մեզ հետ միասին, մենք աշխատում ենք (խնդրի լուծման ուղղությամբ)», – նշվում է Twitter–ում Instagram–ի պաշտոնական էջում։

Միաժամանակ հայտնի դարձավ, որ  Facebook–ի աշխատակիցները չեն կարողանում մտնել գրասնեյակ, որպեսզի լուծեն գլոբալ խափանման խնդիրը, քանի որ նրանց էլեկտրոնային մուտքի բեյջերը չեն աշխատում։ Այս մասին հաղորդեց Mash տելեգրամյան ալիքը` հղում անելով New York Times–ին։ 

Սոցցանցի հասանելիության հետ կապված խնդիրների պատճառով Facebook–ի ղեկավար Մարկ Ցուկերբերգը կորցրել է 6,6մլրդ դոլար։ Գործարարը իջել է Forbes–ի վարկածով աշխարհի ամենահարուստ մարդկանց վարկանիշի 6–րդ հորիզոնական։

Ավելի ուշ սկսեցին լ տարածվել այն մասին, որ համացանցում գրանցված գլոբալ խափանման ֆոնին սոցցանցերում հայտնվել են տեղեկություններ դարքնեթում (համացանցի գաղտնի հատվածում, խմբգր.) Facebook–ի 1,5մլրդ օգտատերերի տվյալների վաճառքի մասին, գրում է «Մոսկովսկի կոմսոմոլեցը»։

Mash տելեգրամյան ալիքը հայտնում է, որ այդ տվյալներն իբր վաճառվում են ամենահայտնիհաքերային ֆորումներից մեկում։ Տվյալների բազայում կան օգտատերերի հեռախոսահամարներ, լոկացիաներ, սեռն ու այլ տեղեկություններ։

Եթե այս տեղեկությունը համապատասխանում է իրականությանը, ապա սա Facebook–ի պատմության մեջ տվյալների ամենամեծ արտահոսքն է։–0–

Ծանոթացեք լուրերին առաջինն ու քննարկեք դրանք մեր Telegram-ում

00:51 05.10.2021