Ucom ընկերությունը մտադիր է 2014 թվականին ավելացնել Վրաստանից Իրան Ինտերնետի թողունակությունն ավելի քան 20-30%–ով
ԵՐԵՎԱՆ, 5 սեպտեմբերի. /ԱՌԿԱ/. Ucom ընկերությունը մտադիր է ավելացնել Վրաստանից Իրան Ինտերնետի թողունակությունն առնվազն 20-30 տոկոսով, հինգշաբթի «ԱՌԿԱ» գործակալությանը հայտնեց ընկերության տնօրեն Հայկ Եսայանը։
Ընթացիկ տարվա հունիսի սկզբից Ucom ընկերության օպտիկամանրաթելային ցանցով Վրաստանը սկսել է Ինտերնետ մատակարարել Իրան` մինչև 40 Գբիթ նախնական թողունակությամբ։
«Այս պահին 40 Գբիթ թողունակությունը պահպանվում է, սակայն հաջորդ տարեսկզբից մենք նախատեսում ենք այն ավելացնել մոտ 20-30 տոկոսով»,– ասաց նա։
Եսայանը միաժամանակ ավելացրեց, որ Ucom ընկերությունն արդեն տեխնիկապես պատրաստ է թողունակության ավելացմանը, և Իրանում պահանջարկի ավելացում է ակնկալում։
«Ucom» ընկերությունը հիմնադրվել է 2008 թ Հայաստանում: Այն առաջին ընկերություն էր տարածաշրջանում, որը իր կառուցած օպտիկամանրաթելային ցանցի շնորհիվ առաջարկեց գոյություն ունեցող լավագույն լուծումը` FTTH (օպտիկան դեպի տուն) տեխնոլոգիան: Ընկերությունը ներկայացնում և օգտագործում է Շվեդական Էրիքսոն (Ericsson) ընկերության GPON (Gigabit Passive Optical Network) տեխնոլոգիան: --0—
Ծանոթացեք լուրերին առաջինն ու քննարկեք դրանք մեր Telegram-ում
18:18 05.09.2013