«Վիքիմեդիա Հայաստան» գիտակրթական հասարակական կազմակերպություն է ստեղծվել

ԵՐԵՎԱՆ, 2 օգոստոսի. /ԱՌԿԱ/. Հայաստանում ստեղծվել է «Վիքիմեդիա Հայաստան» գիտակրթական հասարակական կազմակերպություն, ուրբաթ լրագրողներին է ասել Հայաստանում Վիքիմեդիայի զարգացման համակարգող Սուսաննա Մկրտչյանը։

Ըստ նրա, նոր կազմակերպության նպատակն է նպաստել Վիքիմեդիայի նախագծերի (Վիքիփեդիա, Վիքիսկլադ, Վիքիկնիգի և այլն) հարստացման գործում լայն շերտերի ներգրավման ճանապարհով տեղեկատվական հանրության ձևավորմանը։

«Կազմակերպությունը կզբաղվի քարոզչական աշխատանքներով, կրթական միջոցառումներ կանցկացնի, ինչպես նաև կհամագործակցի կրթական և մշակութային հաստատությունների հետ»,– ասել է նա։

Մկրտչյանը նշել է, որ այսօր Վիքիմեդիայի հիմնադրամները գործում են աշխարհի 50 երկրներում, ավելի քան 30 երկրներում բանակցություններ են տարվում ներկայացուցչություններ բացելու վերաբերյալ։

Նա տեղեկացրել է, որ դեռ մինչև կազմակերպության հիմնադրումը հայկական Վիքի–հանրությունը մի շարք միջոցառումներ է անցկացրել, մասնավորապես 2012թ.–ին «ԱրմենՏել» ընկերությունը (ապրանքանիշը` Beeline) Վիքիմեդիայի համաշխարհային հիմնադրամի հետ համատեղ Հայաստանում առաջին Վիքի–համաժողովն անցկացվեց (սեպտեմբերի 8–9, Երևան)։

«Այս տարի նախատեսվում է Հայաստանում երկրորդ Վիքի–համաժողովն անցկացնել»,– ավելացրել է նա։

Ըստ Մկրտչյանի, Հայաստանը նաև առաջին անգամ պաշտոնապես կկարողանա մասնակցել «Վիքին սիրում է հուշարձաններ» լուսանկարների համաշխարհային մրցույթին։

«Մրցույթին մասնակցելու համար ցանկացողները սեպտեմբերի ընթացքում պետք է Վիքիմեդիայի կայքում հուշարձանների լուսանկարներ տեղադրեն։ Հոկտեմբերին Երևանում կամփոփվեն արդյունքները, և հաղթողները կմասնակցեն միջազգային մրցույթին»,– ասել է նա։

Մկրտչյանն ընդգծել է նաև, որ «Վիքիմեդիա Հայաստան» առաջին նախագծերը կուղղվեն Վիքի–ֆեսուրսների հայալեզու կոնտենտի ընդլայնմանը։–0–

Ծանոթացեք լուրերին առաջինն ու քննարկեք դրանք մեր Telegram-ում

17:03 02.08.2013