«Օդնոկլասնիկի» սոցցանցի այցելուների միջին օրական թիվը Հայաստանում աճել է 15.3%–ով` կազմելով մինչև 777 186 այցելություն

ԵՐԵՎԱՆ, 13 փետրվարի. /ԱՌԿԱ/.  2013 թվականի փետրվարին «Օդնոկլասնիկի» սոցցանցի այցելուների միջին օրական թիվը Հայաստանում աճել է 15.3%–ով կամ 103 239` կազմելով օրական 777 186 օգտագործող կամ սոցցանցի ընդհանուր տրաֆիկի 2 տոկոսը, վկայում են Live Internet–ի տվյալները։

2013 թվականի հունվարի համեմատ` փետրվարին «Օդնոկլասնիկիի» միջին օրական այցելուների թիվն աճել է 0.14 տոկոսով կամ 11 465 այցելուով։

Հայաստանն ընդգրկված է այն երկրների տասնյակում, որտեղ «Օդնոկլասնիկի» սոցցանցը մեծ ճանաչում է վայելում։

Mail.Ru Group ընկերությանը պատկանող «Օդնոկլասնիկի» սոցցանցի ռուս օգտագործողները կազմում են սոցցանցի օրական լսարանի 63.5 տոկոսը։ «Օդնոկլասնիկիի» այցելությամբ առաջատար երկրների եռյակում են նաև Ուկրաինան և Բելառուսը, որտեղ ցանցն օրական այցելում է, համապատասխանաբար, 3.4 և 1.1 միլիոն մարդ։

Երկրների տասնյակում, որտեղ «Օդնոկլասնիկին» առավել տարածված է, ընդգրկված են ԱՊՀ այլ երկրներ` Ուզբեկստանը, Մոլդովան, Ղազախստանը, Վրաստանը, Ադրբեջանը։ Սակայն այդ երկրներում սոցցանցի հաճախումների քանակը չի անցնում օրական 1 միլիոնից։ Սակայն այդ ցուցանիշը չի գերազանցում Facebook սոցցանցի այցելուների թիվն այդ երկրում։

«Օդնոկլասնիկի» սոցիալական կայքն այցելությունների քանակով առաջատար դիրք է զբաղեցնում ԱՊՀ մի շարք երկրներում, բացի Ռուսաստանից, Ուկրաինայից և Բելառուսից` հետևում թղոնելով «Վկոնտակտե» և Ֆեյսբուք սոցիալական ցանցերը։ Հայաստանում Վկոնտակտե ցանց է այցելում օրական 80 հազար, իսկ Ֆեյսբուք` 150 հազար օգտատեր։ Հայաստանում ինտերնետ–օգտագործողների թիվն ընդհանուր առմամբ 1.4 միլիոն է կազմում։

2012 թվականին «Օդնոկլասնիկիի» ղեկավարությունը սկսեց ավելի մեծ ուշադրություն հատկանել ԱՊՀ երկրներին, դրա վկայությունն են հաճախակի այցերն ու ցանցի լոկալ տարբերակների ստեղծումը։

Նախորդ տարվա հունիսին «Օդնոկլասնիկիի» ներկայացուցիչները գործարկել են կայքի անգլալեզու տարբերակը, որի նպատակն էր ընդլայնել ցանցը արտասահմանյան շուկայում։ Սակայն սոցկայքը ԱՄՆ–ում և Եվրոպայում մեծ մասսայականություն չի վայելում։-0-

Ծանոթացեք լուրերին առաջինն ու քննարկեք դրանք մեր Telegram-ում

20:09 13.02.2013