Ռուսաստանում էլեկտրոնային առևտրաշրջանառությունը 2013 թ.–ին կավելանա 15 տոկոսով` հասնելով 9,5 տրիլիոն ռուբլու. փորձագետներ

ԵՐԵՎԱՆ, 11 հոկտեմբերի. /ԱՌԿԱ/. Ըստ կանխատեսման` Ռուսաստանում էլեկտրոնային ընդհանուր առևտրաշրջանառությունը 2013 թ.–ի արդյունքներով, 2012 թ.–ի համեմատ, կավելանա 15 տոկոսով` հասնելով 9,5 տրիլիոն ռուբլու, հաղորդում է РБК–ն` հղում անելով iKS-Consulting–ի ուսումնասիրության տվյալներին։

Փորձագետների գնահատականներով` նման աճ կգրանցվի բոլոր հիմնական բիզնես–հատվածներում։ Այսպես, (b2b) բիզնես–հատվածում շրջանառությունը, 2013 թ.–ի արդյունքում, ակնկալվում է 5,4 տրիլիոն ռուբլու սահմանում, ինչը 16 տոկոսով ավել է 2012 թ.–ի ցուցանիշից։ Պետական գնումների հատվածը, ինչպես ակնկալվում է, կաճի 4 տոկոսով` հասնելով 3,2 տրիլիոն ռուբլու։ Մանրածախ էլեկտրոնային առևտրի ծավալը (b2c), ըստ կանխատեսման, կաճի 44 տոկոսով` հասնելով 0,9 տրիլիոն ռուբլու։

Ուսումնասիրության մեջ նաև հաղորդվում է, որ ռուսական և արտասահմանյան ինտերնետ խանութներում գնումների ընդհանուր ծավալը 2013 թ.–ին կկազմի մոտ 900 միլիարդ ռուբլի, ինչը 1,5 անգամ ավել է 2012 թ.–ի ցուցանիշից։–0–

Ծանոթացեք լուրերին առաջինն ու քննարկեք դրանք մեր Telegram-ում

13:59 11.10.2013