Հայաստանում 2013 թ.–ի մարտին ավելի քան 20 750 դոմեն է գրանցվել .am գոտում

ԵՐԵՎԱՆ, 21 մարտի. /ԱՌԿԱ/. Հայաստանում մարտի 20–ի դրությամբ գրանցվել է .am  հայկական գոտու 20751 դոմեն, հինգշաբթի մամուլի ասուլիսի ընթացքում հայտարարեց AMNIC տեղեկատվական ցանցային կենտրոնի մենեջեր, «Ինտերնետ միություն» ԲԸ վարչության անդամ Աննա Կարախանյանը։

«.am գոտու դոմենների թիվը տարեցտարի աճում է։ Եթե 2000 թվականին գործել է ընդամենը 616 դոմեյն`դա շատ ծիծաղելի թիվ է այսօրվա համեմատ, ապա 2004 թվականին այն աճել է մինչև 3576–ի, 2009–ին կազմել է 12125, իսկ ընթացիկ տարում անցել է 20.5 հազարը»,– ասաց նա։

Կարախանյանը միաժամանակ ավելացրեց, որ եթե 2000 թվականին .am գոտու դոմենների տերերի մեծ մասը Հայաստանի ոչ ռեզիդենտներ էին, ապա 2013 թվականի հիմնական մասը ռեզիդենտներ են։

Նույն վարչության անդամ, TCANN AT – LARG մենեջեր Լիանա Գասպարյանն իր հերթին հայտնեց, որ .am գոտում սեփական դոմեն ունենալու ցանկություն ունեցող կազմակերպությունների և ֆիզիկական անձանց թիվը վերջին տարիներին հանրապետությունում աճել է։

Նա միաժամանակ նշեց, որ Հայաստանի բազմաթիվ ֆիզիկական անձինք չափազանգ կարևորում են սեփական դոմեն ունենալը։

Հայտնելով, որ այսօր Հայաստանում .am գոտում դոմեն ունենալու համար տարեկան վճարի արժեքը կազմում է 12 հազար դրամ` Գասպարյանը միաժամանակ հայտնեց, որ պետկառույցներին և բարեգործական կազմակերպություններին այն անվճար է տրամադրվում։ -0-

Ծանոթացեք լուրերին առաջինն ու քննարկեք դրանք մեր Telegram-ում

15:32 21.03.2013