Սոցիալական կայքերից օգտվողների ավելի քան 80 տոկոսը նախընտրում է «Օդնոկլասնիկի» կայքը

ԵՐԵՎԱՆ, 22 հունիսի. /ԱՌԿԱ/. Սոցիալական կայքերից օգտվողների ավելի քան 80 տոկոսը նախընտրում է «Օդնոկլասնիկի» կայքը, որը պատկանում է ռուսական Mail.Ru Group ընկերությանը, հայտնեց ընկերության «Սոցիալական կայքեր» բիզնես- ստորաբաժանման մարտավարական հաղորդակցությունների ու մարքեթինգի գծով տնօրեն Ալեքսանդր Իզրյադնովը:

«Հայաստանում ամենատարածված ցանցը, ըստ «2011 թվականի այլընտրանքային տեղեկատվական ռեսուրսներ» հետազոտության տվյալների, «Օդնոկլասնիկի» կայքն է. հայ օգտատերերի ավելի քան 80 տոկոսը նախընտրում է հենց այս կայքը: «Օդնոկլասնիկի»-ի լսարանը 2011-ին աճել է 30 տոկոսով, իսկ ընթացիկ տարվա մայիսին կազմել է ավելի քան 787 հազար մարդ մեկ օրում կամ 1,4 մլն մարդ ամսական: Օգտատերերի քանակն անընդհատ աճում է»,- ուրբաթ Երևանում հրավիրված ասուլիսի ժամանակ ասաց նա:

Նա միաժամանակ նշեց, որ Հայաստանում օգտատերերի 35 տոկոսը նախընտրում է ընկերների հետ շփվել հեռախոսով՝ ներբեռնելով m.odnoklassniki.ru տարբերակը: Հայաստանում բջջային սարքերով «Օդնոկլասնիկի»-ից օգտվողների թիվը մայիսի տվյալով կազմում է ամսական 739 հազար մարդ:--0-

Ծանոթացեք լուրերին առաջինն ու քննարկեք դրանք մեր Telegram-ում

19:07 22.06.2012