Հզոր DDoS գրոհների մասնաբաժինը 2014 թ.-ի առաջին կիսամյակում աճել է

ԵՐԵՎԱՆ, 9 հուլիսի. /ԱՌԿԱ/. Հզոր հակերական DDoS գրոհների մասնաբաժինը (հայտերի ուղարկման արագությունը՝ ավելի քան 1 Գբ/վ, որը թույլ է տալիս անջատել կայքերը) նման գրոհների ընդհանուր ծավալում Ռուսաստանում 2014 թ.-ի առաջին եռամսյակում ավելացել է՝ մեկ տարի առաջ գրանցված 1,65 տոկոսից հասնելով 7,3 տոկոսի, նշվում է Qrator Labs ընկերության ուսումնասիրության մեջ, որը ՏՏ-անվտանգությամբ է զբաղվում:

Ինչպես հաղորդում է «Փրայմը», ըստ ընկերության տվյալների՝ 2014 թ.-ին գրոհների գագաթնակետային նշանակությունները կազմել են 120-160 Գբ/վ:

Գրոհի առավելագույն երկարությունն ավելացել է՝ 2013 թ.-ի առաջին կեսին գրանցված 21 օրից հասնելով 2014 թ.-ի հունվար-հունիսին գրանցված 90 օրի: «Երկարատև գրոհները, որպես կանոն, գրոհի ենթարկվող ընկերության նկատմամբ սոցիալական բողոքի և խորը անձնական թշնամանքի նշան է: «Գաղափարային մարտիկները» տարբերվում են պրոֆեսիոնալներից, նրանք երկար ժամանակ չեն կորցնում զոհի նկատմամբ խանդավառությունը» - ներկայացվում են Qrator Labs-ի գլխավոր տնօրեն Ալեքսանդր Լյամինի խոսքերը:-0-

Ծանոթացեք լուրերին առաջինն ու քննարկեք դրանք մեր Telegram-ում

14:27 09.07.2014