Հայ հակերները կոտրել են Ադրբեջանի կառավարության կայքը
ԵՐԵՎԱՆ, 2 ապրիլի./ԱՌԿԱ/. Monte Melkonian Cyber Army հայկական հակերական խումբը կոտրել է Ադրբեջանի կառավարության կայքը, նշվում է Twitter–ի միկրոբլոգում։
Ապրիլի 1-ի լույս 2-ի գիշերը ղարաբաղա–ադրբեջանական շփման գծի հարավային, հարավարևելյան և հյուսիսարևելյան ուղղություններով հակառակորդը ձեռնարկել է բացահայտ հարձակվողական գործողություններ`հրետանիով, զրահապատ տրանսպորտային միջոցներով և ավիացիայով: ԼՂՀ պաշտպանության բանակի ստորաբաժանումները մարտեր են տանում առաջնային գծի բոլոր ուղղություններով` հակառակորդին կենդանի ուժի և ռազմական տեխնիկայի զգալի կորուստներ պատճառելով։ Մասնավորապես, ԼՂՀ պաշտպանության բանակի օպերատիվ տվյալներով, մարտական գործողությունների ընթացքում ոչնչացվել են հակառակորդի երկու ուղղաթիռ, երեք տանկ և երկու անօդաչու թռչող սարք։
«Ադրբեջանական լրատվական կայքը (aze.az) ներկա պահին անհասանելի է բոլոր այցելուների համար», – գրել են հակերներն իրենց միկրոբլոգում։
Դրանից առաջ հակերները տեղեկացրել են ադրբեջանական մի քանի կայքերը կոտրելու մասին։–0–
Ծանոթացեք լուրերին առաջինն ու քննարկեք դրանք մեր Telegram-ում
19:32 02.04.2016
