Facebook –ը հավանություն է տվել մեկնաբանություններում GIF–ի օգտագործմանը
ԵՐԵՎԱՆ, 16 հունիսի/ԱՌԿԱ/. Facebook սոցիալական ցանցի թիմը նշել է GIF ֆայլային ֆորմատի 30-ամյակը` թույլատրելով օգտագործել այն գրառումների մեկնաբանություններում։
Ինչպես հաղորդում է Ferra.ru–ն, մինչ այս Facebook–ի օգտատերերը կարող էին GIF պատկերներ տեղադրել ստատուսների թարմացումներում, սակայն 2017 թ.–ի հունիսի 15-ից այդ ծառայությունը հասանելի է նաև մեկնաբանություններում։
Մեկնաբանությունների գործիքակազմում օգտատերերին հասանելի է նաև GIF–ի որոնումը։ Միաժամանակ Facebook–ի թիմը ներկայացրել է հետաքրքիր վիճակագրություն։ Մասնավորապես, Facebook–ի Messenger–ով անցյալ տարի ուղարկվել է 13 մլրդ GIF, դա գրեթե 25 հազար GIF է մեկ րոպեում։ Նշվում է, որ վերջին 1 տարվա ընթացքում Messenger–ով GIF–երի ուղարկման քանակը եռապատկվել է։–0–
Ծանոթացեք լուրերին առաջինն ու քննարկեք դրանք մեր Telegram-ում
19:55 16.06.2017