Facebook-ում ևս մեկ նոր ֆունկցիա է հայտնվել
ԵՐԵՎԱՆ, 4 մայիսի. /ԱՌԿԱ/. Facebook սոցիալական ցանցում նոր ֆունկցիա է գործարկվել։
Ցանցի օգտատերերին հնարավորություն է տրվում ավելի վաղ արված մեկնաբանությանն արձագանքել 6 տարբեր էմոցիաներից մեկով:
Այժմ «Հավանում եմ» (Like) ավանդական կոճակից բացի, սոցցանցի օգտատերերը կարող են նաև օգտագործել սեր, ծիծաղ, զարմանք, տխրություն և բարկություն արտահայտող էմոտիկոններ։
Այս կամ այն էմոցիայով մեկնաբանությունը նշելու համար պետք է կուրսորը բերել «Հավանում եմ» կոճակի վրա և մյուս արձագանքները ևս կհայտնվեն, հայտնում է «Նովոստի–Արմենիա» գործակալությունը` հղում անելով The Verge-ին։
Նոր գործառույթն արդեն հասանելի է ոչ միայն ֆեյսբուքի համակարգչային տարբերակի օգտատերերին, այլ նաև սոցցանցի բջջային հավելվածից օգտվողներին:
Ֆեյսբուքում լրացուցիչ զգացմունքներ արտահայտող կոճակները հայտնվել են 2016 թվականի փետրվարին։ -0-
Ծանոթացեք լուրերին առաջինն ու քննարկեք դրանք մեր Telegram-ում
14:43 04.05.2017