Facebook–ը նվիրատվություն կատարելու կոճակ է գործարկել
ԵՐԵՎԱՆ, 17 դեկտեմբերի. /ԱՌԿԱ/. Աշխարհի ամենամեծ սոցիալական ցանցը` Facebook–ը, գործարկել է Donate Now կոճակը, որի օգնությամբ օգտագործողները կարողանում են նվիրատվություններ ուղղել բարեգործական կազմակերպություններին, գրում է digit.ru–ն` հղում անելով Facebook բլոգին։
«Մենք գործարկում ենք Donate «Նվիրատվություն») նոր կոճակը, որը թույլ է տալիս Facebook–ի միջոցով միջոցներ ուղարկել անմիջապես ոչ առևտրային կազմակերպություններին։ Donate ֆունկցիան կհայտնվի գործընկերների գրառումների տակ, լուրերի ժապավենում, ինչպես նաև` նրանց հրապարակային էջերի վերին մասում»,– գրում են մշակողները։
Donate Now («Նվիրաբերել հիմա») կոճակը սեղմելիս` օգտագործողները կարող են ընտրել զոհաբերության գումարը, մուտքագրել բանկային քարտի կամ վճարման այլ ձևի տվյալները և ուղարկել միջոցները։ Բացի այդ, նրանք կարող են տարածել բարեգործական կազմակերպության գրառումն այդ կոճակով իրենց ընկերների հետ` սոցցանցի մտահղացմամբ, դա թույլ կտա ակտիվացնել նվիրատվությունները։
Առայժմ կարելի է նվիրատվություններ ուղղել 13 ամերիկյան կամ միջազգային կազմակերպությունների, որոնց թվում է «Կարմիր խաչը», UNICEF, Oxfam America, Water.org, American Cancer Society և այլն, բայց սոցցանցը ծրագրում է ընդլայնել գործընկերների ցուցակը։ Կլինե՞ն դրանց շարքում բարեգործական կազմակերպություններ, թե ոչ, Facebook–ն առայժմ չի հստակեցնում։ -0-
Ծանոթացեք լուրերին առաջինն ու քննարկեք դրանք մեր Telegram-ում
14:08 17.12.2013