Facebook–ը հայ օգտատերերին հիշեցնում է, որ այսօր Հայաստանում անցկացվում են արտահերթ խորհրդարանական ընտրություններ

ԵՐԵՎԱՆ, 9 դեկտեմբերի. /ԱՌԿԱ/. Facebook–ը հայ օգտատերերին հիշեցնում է, որ այսօր Հայաստանում անցկացվում են արտահերթ խորհրդարանական ընտրություններ։

Սոցցանցի օգտատերերի լրահոսում հայտնվում է հիշեցում. «Այսօր ընտրությունների օրն է. գտեք ձեր ընտրատեղամասն ու պատմեք այն մասին, որ քվեարկել եք»։

Դեկտեմբերի 9-ին ժամը 8:00-ին, ՀՀ-ում բացվել են բոլոր 2010 ընտրատեղամասերը, և մեկնարկել խորհրդարանական արտահերթ ընտրությունները:

ԿԸՀ–ի տեղեկացմամբ, Հայաստանի ընտրողների ռեգիստրում ներառված է 2 մլն 592 հազար 486 մարդ, ձևավորվել է 2010 ընտրատեղամաս։

Ըստ ԿԸՀ–ի, ընտրություններին մասնակցելու հայտ են ներկայացրել 11 քաղաքական կուսակցություններ և դաշինքներ: Փաստաթղթեր են ներկայացրել «Իմ քայլը» դաշինքը, «Բարգավաճ Հայաստան» կուսակցությունը, «Ազգային առաջընթաց», «Քրիստոնեաժողովրդական վերածնունդ» կուսակցությունները, «Սասնա ծռեր» համահայկական կուսակցությունը, «Օրինաց երկիր» կուսակցությունը, «Մենք» կուսակցական դաշինքը, ՀՅԴ–ն, «Լուսավոր Հայաստան» կուսակցությունը, Հայաստանի հանրապետական կուսակցությունը, «Քաղաքացու որոշում» սոցիալ–դեմոկրատական կուսակցությունը։–0–

Ծանոթացեք լուրերին առաջինն ու քննարկեք դրանք մեր Telegram-ում

16:32 09.12.2018