Facebook-ում հնարավորություն է ստեղծվել ավելացնելու ոչ միայն «ընկերներին», այլև «թշնամիներին»
ԵՐԵՎԱՆ, 27 մարտի. /ԱՌԿԱ/. Facebook-ի օգտատերերը հնարավորություն ունեն նշելու այն ամենը, ինչ նրանց դուր չի գալիս: Սակայն նման գործիքը դեռ չի մտնում ֆունկցիոնալ սոցիալական ցանցի չափանիշներում, դրա համար անհրաժեշտ է տեղադրել Enemygraph ներդիրը:
Անձնական «թշնամիների ցուցակում» հնարավոր է ավելացնել, օրինակ՝ մարդկանց, գրքեր կամ ֆիլմեր, հաղորդում է vesti.ru կայքը:
Ինչպես գրում է Mashable-ը, ներդիրը մշակել են պրոֆեսոր Դին Թերին և Դալլասի Տեխասի համալսարանի երկու ուսանողները: «Մշակույթի պարտադրված պարկեշտությունն այն բանն է, ինչն ինձ միշտ ապշեցրել է: Մենք ցանկացանք մարդկանց հնարավորություն տալ նաև դիսոնանս արտահայտելու: Մենք օգտագործում ենք «թշնամի» բառը նույն նշանակությամբ, ինչպես Facebook-ն օգտագործում է «ընկեր» բառը»,- հայտնել է Թերին:
Ըստ նրա՝ Enemygraph-ն օգտակար գործիք կդառնա հետազոտողների և մարքետոլոգների համար, ովքեր երկար ժամանակ տվյալներ էին հավաքում միայն այն մասին, ինչ դուր է գալիս սոցիալական ցանցերի օգտատերերին: «Սակայն կարելի է ավելի շատ բան իմանալ մարդկանց մասին այն բանի միջոցով, թե ինչը նրանց դուր չի գալիս և ինչու են վշտացած»,- ավելացրել է Թերին: -0-
Ծանոթացեք լուրերին առաջինն ու քննարկեք դրանք մեր Telegram-ում
19:02 27.03.2012
