Google–ի գլխավոր էջում արդեն հասանելի է ձայնային որոնման համակարգը

ԵՐԵՎԱՆ, 23 մայիսի. /ԱՌԿԱ/. Google–ը գործարկել է ձայնային որոնման համակարգը, որը հասանելի է google.ru կայքում` ռուսերեն լեզվով։ Ինչպես նշում են ընկերությունից, այս պահին այն գործում է Google Chrome–ի 27-րդ տարբերակում և կգործի բրաուզերի բոլոր հաջորդ տարբերակներում։

Հարկավոր է որոնման տողում սեղմել միկրոֆոնի կոճակը և արտաբերել հարցումը (դրանից առաջ պետք է թույլ տալ google.ru–ին օգտագործել օգտատերի միկրոֆոնը), հաղորդում է cnews.ru–ն։

Մշակողներն ակնկալում են, որ Google Chrome–ից օգտվողները շաբաթվա ընթացքում կթարմացնեն իրենց բրաուզերները։ –0–

Ծանոթացեք լուրերին առաջինն ու քննարկեք դրանք մեր Telegram-ում

12:00 23.05.2013