Instagram-ը հեռացրել է Կադիրովի կողմից հրապարակված ՈՒՀԱ-ի երկու տեսանյութերը
ԵՐԵՎԱՆ, 1 դեկտեմբերի. /ԱՌԿԱ/. Instagram սոցիալական ցանցը Չեչնիայի Հանրապետության ղեկավար Ռամզան Կադիրովի էջից հեռացրել է ՈՒՀԱ-ի հոբելյանական երեկոյի ժամանակ Միխայիլ Գալուսյտյանի ելույթի երկու տեսանյութերը:
Այդ մասին տեղեկացրել է Կադիրովը` համապատասխան գրառում անելով իր էջում:
«Գալուստյանի ելույթը հրապարակվել է ինտերնետի հազարավոր էջերում, այն տարածել են Ռուսաստանում և արտասահմանում: Բնականաբար, ես էլ հրապարակեցի ելույթի որոշ «գաղտնիքներ», ինչպես նաև ի նշան հարգանքի ՈՒՀԱ-ի հիմնադիր Ալեքսանդր Մասլյակովի և Միխայիլ Գալուստյանի նկատմամբ` հրապարակել եմ իմ էջում Գոլւստյանի ելույթի երկու րոպեանոց հատված: Պարզվում է, ես դրանով ոտնահարել եմ ինչ-որ մեկի հեղինակային իրավունքը», - պարզաբանել է Կադիրովը` գրառմանը կցելով սոցիալական ցանցի ադմինիստրացիայի հաղորդագրության սքրինշոթը, հաղորդում է rbanews-ը:
Չեչնիայի ղեկավարի կարծիքով, այդպիսով Instagram-ը «անգնահատելի աջակցություն է ցուցաբերել` ուշադրություն գրավելով հանճարեղ ելույթի հանդեպ»: Կադիրովը նաև ընդգծել է, որ ՈՒՀԱ-ի ղեկավարությունը ոչ մի կապ չունի կատարվածի հետ: -0-
Ծանոթացեք լուրերին առաջինն ու քննարկեք դրանք մեր Telegram-ում
15:13 01.12.2016
