IDC. Իրերի ինտերնետ շուկան 2015թ.–ին կաճի 19%–ով

ԵՐԵՎԱՆ, 22 մայիսի. /ԱՌԿԱ/. Իրերի ինտերնետ շուկան շարունակում է ակտիվ զարգանալ։ IDC–ի վերլուծաբանները հետևում են դրա դինամիկային և առաջարկում են ծանոթանալ ճյուղի` 2015 թվականի, ինչպես նաև ավելի երկարաժամկետ հեռանկարներին։ Ինչպես հայտնում է Vestifinance.ru–ն, հետազոտության հատվածները հրապարակվել են ընկերության պաշտոնական կայքում։

IDC–ի անցկացրած իրերի ինտերնետ շուկայի հետազոտությունը (Internet of Things, կամ IoT) և կազմած կանխատեսումն ընդգրկում են 11 ուղղահայաց բնագավառներ, ներառյալ ռիթեյլը, սպառողական շուկան, առողջապահությունը, պետական հատվածը և տրանսպորտային արդյունաբերությունը։ Ակնկալվում է, օրինակ, որ հաղորդակցային ընդլայնված ֆունկցիոնալությամբ ավտոմեքենաների շուկայի ծավալն ԱՄՆ–ում 2015 թվականին կաճի 34,8 տոկոսով։

Այս տարի իրերի ինտերնետ շուկայի ծավալը կաճի 19 տոկոսով, կարծում են փորձագետները։ Վերելքին նպաստում են թվային գովազդային և տեղեկատվական պանելների վաճառքները, որոնք խանութների սեփականատերերի սրտով են։

Իրերի ինտերնետ շուկայի ծավալը 2013 թվականին կազմել է 1,3 տրլն դոլար։ Մասնագետները կարծում են, որ առաջիկա տարիներին այդ ցուցանիշը կաճի տարեկան միջինը 13 տոկոսով և կհասնի 3,04 տրլն դոլարի 2020 թվականին։ Այդ ժամանակ այս շուկայում սարքերի ընդհանուր թիվը կհաշվարկվի 30 մլրդ. հատով։ -0-

Ծանոթացեք լուրերին առաջինն ու քննարկեք դրանք մեր Telegram-ում

13:37 22.05.2015