iPad-ի տերերը ավելի հաճախ հետաքրքրվում են ուղևորություններով և զբոսաշրջությամբ. Yandex
ԵՐԵՎԱՆ, 2 մարտի. /ԱՌԿԱ/. Պլանշետային iPad համակարգչի ռուս օգտվողները «Yanex» որոնողական համակարգի միջոցով ավելի հաճախ տեղեկատվություն են փնտրում ուղևորությունների և զբոսաշրջության մասին, քան ինտերնետից օգտվող մյուս մարդիկ, վկայում են ընկերության ուսումնասիրության տվյալները, որոնք հրապարակվել են ուրբաթ:
Միաժամանակ iPad-ի տերերն ամենից հազվադեպ հետաքրքրվում են խաղերով, սոցիալական ցանցերով և ժամանցային կայքերով: Yandex-ի ներկայացուցիչների կարծիքով՝ դա կարող է կապված լինել այն բանի հետ, որ որոնողական համակարգի փոխարեն մարդիկ օգտվում են սոցիալական ներդիրներից, հաղորդում է «ՌԻԱ Նովոստին»:
iPad-ի տերերը նույնքան հարցադրում են ներկայացնում, որքան տնային համակարգիչների և նոութբուքերի տերերը և սմարթֆոնների օգտվողներից ավելի շատ են դիմում որոնողական համակարգին: Միաժամանակ պլանշետը հաճախ օգտագործվում է աշխատանքային օրերին՝ երեկոյան (57 տոկոսը բաժին է հասնում երեկոյան ժամերին) և հանգստյան օրերին (հարցումների քանակն ավելանում է 20 տոկոսով):
Yandex-ի ուսումնասիրության համաձայն՝ 2012 թ.-ի հունվարի վերջին iPad –ից ռունետի կայքեր է այցելել շուրջ մեկ միլիոն մարդ, որոնցից 700 հազարը բնակվում է Ռուսաստանի տարածքում: iPad-ից օգտվողների կեսից ավելին բնակվում է Մոսկվայում և Մոսկվայի մարզում:
Սակայն մարզերն արագորեն կրճատում են Մոսկվայի միջև տարբերությունը: 2011 թ.-ի ընթացքում Մոսկվայում iPad-ից օգտվողների թիվն ավելացել է հինգ անգամ, մարզերում՝ 7 անգամ:-0-
Ծանոթացեք լուրերին առաջինն ու քննարկեք դրանք մեր Telegram-ում
14:52 02.03.2012