Մի քանի քայլ` Facebook–ի պրոֆիլը հաքերներից պաշտպանելու համար
ԵՐԵՎԱՆ, 16 հունվարի. /ԱՌԿԱ/. Մեդիափորձագետ Սամվել Մարտիրոսյանն իր բլոգում նշել է մի քանի կետ Facebook պրոֆիլը հաքերներից պաշտպանելու վերաբերյալ։
Մասնագետը գրել է, որ ադրբեջանական հաքերներն արդեն մի քանի օր հարձակվում են հայկական ֆեյսբուքյան հաշիվների վրա, կոտրում դրանք և տեղադրում մահացած մարդկանց նկար։
Մեդիափորձագետի խոսքով, հիմնականում մեղքը ֆեյսբուքյան էջի օգտատիրոջն է, հաքերներն առանձնապես լուրջ ջանքեր չեն գործադրում, քանի որ հիմնականում օգտատերերը խոցելի են դառնում, երբ օգտագործում են նույն գաղտնաբառը, որն արդեն օգտագործել են այլ տեղերում։
«Կամ կեղծ հղում են ուղարկում, որը տեսքով նման է ՖԲ֊ին կամ ձեր մեյլին։ Երբեք մի կտացրեք հղումներին` ձեռքով հավաքեք։ Նույնիսկ եթե հղումը ընկեր է ուղարկել»,–գրել է մեդիափորձագետը և խորհուրդ տվել էջը պաշտպանելու համար կիրառել որոշ քայլեր։
Պետք չէ կտացնել ամեն ինչի, «ուշադիր նայեք նկարին, հղմանը, մարդու կողմից գրված մեկնաբանությանը։ Օրինակ, կարղ է նկարի վրա Youtube տեսանյութ լինել, բայց տակի հղումը լրիվ ուրիշ տեղ է տանում։ Եթե ինչոր բան կասկածելի է, ուրեմն ավելի լավ ա անցնել կողքով»,– գրել է նա։
Պետք չէ անծանոթ հավելվածներ տեղադրել, քանի որ դրանք կարող են ինքնուրույն գործողություններ կատարել։
Մասնագետը խորհուրդ է տվել առհասարակ ուշադիր լինել, քանի որ վտանգը կարող է հենց ընկերոջից գալ։
Իսկ կոնկրետ պրոֆիլը պաշտպանելու համար պետք է`
1. Նորմալ մեյլի վրա կցել պրոֆիլը, մասնավորապես, Gmail։ Որպես ապահովություն խորհուրդ է տրվում նշել էլեկտրոնային փոստի ևս մեկ հասցե։
2. Մեյլի և Ֆեյսբուքի գաղտնաբառերը պարտադիր պետք է տարբերվեն։
3. Անցնել ՖԲ settings>>mobile և ավելացնել բջջային հեռախոսահամարը։ Դա թույլ կտա հեռախոսն օգտագործել անվտանգության մեջ։ -0-
Ծանոթացեք լուրերին առաջինն ու քննարկեք դրանք մեր Telegram-ում
11:56 16.01.2017
