«Օդնոկլասնիկի»-ն հայերեն է խոսում

«Օդնոկլասնիկի»-ն հայերեն է խոսում

ԵՐԵՎԱՆ, 22 հունիսի. /ԱՌԿԱ/. Mail.Ru Group ընկերությանը պատկանող «Օդնոկլասնիկի» ռուսական սոցիալական ցանցը գործարկում է կայքի հայալեզու տարբերակը, հայտարարել է Mail.Ru Group Սոցիալական ցանցեր բիզնես-բաժնի մարքեթինգի և ռազմավարական հեռահաղորդակցության տնօրեն Ալեքսանդր Իզրյադնովը։

«Հայաստանի բջջային օպերատորների տվյալներով՝ «Օդնոկլասնիկի»ն ընդգրկվել է ամենամասսայական կայքերի ցանկում Mail.ru, Youtube.com, Google.com-ին զուգընթաց։ Մենք տեսնում ենք, թե ինչպես է աճում Հայաստանի ինտերնետ-օգտագործողների ակտիվությունը, այդ իսկ պատճառով արեցինք ամեն ինչ, որ մեր սոցիալական ցանցում յուրաքանչյուրը կարող է շփվել իր ընկերների և հարազատների հետ մայրենի լեզվով»,- ուրբաթ Երևանում կայացած մամուլի ասուլիսում ասաց Իզրյադնովը։ 

Ըստ նրա՝ «Օդնոկլասնիկիի» տեղայնացումը կանցնի երկու փուլով՝ հայերեն արդեն հասանելի է բջջային տարբերակը, իսկ մեկ ամսվա ընթացքում ամբողջովին կթարգմանվի սոցցանցի հիմնական կայքը։ 

Նա նշեց, որ առաջիկայում հայերեն կթարգմանվեն և հասանելի կլինեն նաև Android, iOs, Windows Phone, Symbian պաշտոնական պլատֆորմների ներդիրները։ 

«Օդնոկլասնիկի»-ի բջջային տարբերակը հայերեն լեզվով տալիս է ընկերների և հարազատների հետ լիարժեք շփման բոլոր հնարավորությունները։ Այնտեղ կան այն բոլոր ծառայությունները, որոնք գործում են նաև հիմնական տարբերակում, այդ թվում Հայաստանի բնակիչների շրջանում մեծ մասսայականություն վայելող հաղորդագրությունները, խաղերը, կարգավիճակների հրապարակումները, լուսանկարների տեղադրումն ու գնահատումը»,- ասաց Իզրյադնովը։

«Այլընտրանքային տեղեկատվական ռեսուրսներ 2012» հետազոտության տվյալներով՝ սոցցանցերի ավելի քան 80 տոկոս հայ օգտագործողները նախընտրում են օգտվել «Օդնոկլասնիկի»-ից։ Այսօր «Օդնոկլասնիկի»-ի օրական լսարանը Հայաստանում կազմում է ավելի քան 787 հազար, և օգտագործողների թիվը մշտապես աճում է։ Միաժամանակ օգտագործողների 35 տոկոսը նախընտրում է ընկերների հետ շփվել հեռախոսով՝ բեռնելով m.odnoklassniki.ru բջջային տարբերակը։ 

«Օդնոկլասնիկի» սոցցանցից օգտվում են աշխարհի 229 երկրներում։ –0—

14:32 22.06.2012





 

« Դեկտեմբեր 2017

Երկ
Երք
Չոր
Հնգ
Ուրբ
Շաբ
Կիր
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
Մականուն:
Գաղտնաբառ:

Գրանցվել
Եթե դուք ցանկանում եք նոր կայքը, խնդրում ենք լրացնել գրանցման ձեւը:

Մուտքագրեք կայքում կարող եք օգտագործել Ձեր հաշիվը ցանկացած է հետեւյալ ծառայությունները:

×