Փորձագետը նշել է Հայաստանում կիբեռանվտանգության երկու հիմնական արտաքին սպառնալիքները
ԵՐԵՎԱՆ, 30 հունվարի. /ԱՌԿԱ/. Տեղեկատվության անվտանգության մասնագետ Սամվել Մարտիրոսյանը երկուշաբթի մամուլի ասուլիսի ժամանակ նշել է Հայաստանի կիբեռանվտանգությանը սպառնացող երկու արտաքին գործոնները:
«Մեր կիբեռանվտանգության արտաքին մշտական սպառնալիքն է մնում Ադրբեջանը. այն կար և կշարունակվի, դա հավերժ խնդիր է: Սակայն այստեղ կան կարևորագույն փոփոխություններ, որոնք սկսել են նկատվել 2016 թ.-ից, այսինքն եթե մինչև վերջերս ադրբեջանական հաքերների թիրախ էին դառնում հայկական կայքերը, ապա այժմ նրանք մեծ ջանքեր են գործադրում առանձին օգտատերերի վրա հարձակումներ իրականացնելու ուղղությամբ», - հայտարարեց Մարտիրոսյանը:
Նա ավելացրեց, որ ադրբեջանցի հաքերները միշտ չափազանցնում են իրենց վիրտուալ զոհերի քանակը, սակայն նույնիսկ եթե խոսքը յհարյուրավոր հայ օգտատերերի մասին է, դա ևս մեծ խնդիր է:
Փորձագետի խոսքով, 2016 թ.-ին ակնհայտ է դարձել, որ Հայաստանը հետաքրքիր թիրախ է դառնում ոչ միայն ադրբեջանական հաքերների համար, այլ նաև` ողջ համաշխարհային կիբեռքրեականության, քանի որ հայ օգտատարերի թիվը համացանցում կազմում է մոտ 2 մլն մարդ, ինչը արդեն իսկ մեծ շուկա է դառնում շորթումների կամ ցանցային հանցագործությունների այլ տեսակների համար:
«Երկրորդ վտանգը համաշխարհային մասշտաբով կիբեռհանցագործությունների թվի աճն է: Համացանցում ամենագործուն հացագործությունները նրանք են, երբ իրենց տվյալների համար գումար են պահանջում: Համշվարկների համաձայն` նման գումարները 2015 թ.-ին հասել են 50-60 մլն դոլարի, իսկ 2016 թ.-ին` 1 մլրդ դոլարի և այդ թիվը անընդհատ աճում է: Սա մեծ խնդիր է, որը կարողէ հասնել նաև Հայաստան», - ասաց Մարտիրոսյանը:
Ցանկացած տիպի կիբեռհարձակումներից պաշտպանվելու համար փորձագետը խորհուրդ է տալիս բարդ գաղտնաբառեր օբգտագործել, որոնք չպետք է կրկնեն օգտատիրոջ անունը կամ հեռախոսահամարը, ինչպես նաև ցանկացած նոր ըքաունթի համար հարկավոր է նոր գաղտնաբառ կիրառել:
«Այդպիսով, դուք կդժվարեցնեք կոտրելը հաքերների համար: Երկրորդ կարևոր պայմանն ամեն ինչի վրա չսեղմելն է, քանի որ Facebook-ի անունից հղումը կարող է կեղծ լինել, իսկ եթե սեղմում եք հղման վրա, հաքերները հեշտությամբ կարող են գողանալ ձեր անձնական տվյալները», - ասաց նա:
Մարտիրոսյանի խոսքով, տարբեր հակավիրուսային լաբորատորիաների տվյալների համաձայն, վերջին ժամանակահատվածում համացանցում հայ օգտատերերի պաշտպանության մակարդակը կիբեռհարձակումներից բարձրացել է: Սակայն, ինչպես ընդգծեց փորձագետը, այդ գործընթացը շարունակական բնույթ չի կրում և դիտարկվում է միայն առիթից առիթ: -0-
Ծանոթացեք լուրերին առաջինն ու քննարկեք դրանք մեր Telegram-ում
18:08 30.01.2017