Ucom–ն ամանորյա անակնկալներ է նախապատրաստել հայ բաժանորդների համար
ԵՐԵՎԱՆ, 12 դեկտեմբերի. /ԱՌԿԱ/. Ucom հայկական հեռահաղորդակցային ընկերությունն ամանորյա տոների նախաշեմին անակնկալ է պատրաստել իր բաժանորդների համար։ Մասնավորապես, uGo 3500 և uGo 5500 բջջային ինտերնետի սակագնային պլանների նոր բաժանորդները և նրանք, ովքեր չունեն գործող պարտավորություններ, ամանորյա ակցիայի շրջանակում կրկնակի գիգաբայթեր կստանան։ Կհամալրվի նաև հեռուստաալիքների ցուցակը։
«Մեր ընկերությունը մեր նոր և գործող բաժանորդների համար մի շարք ամանորյա անակնկալներ է պատրաստել։ Դուք գիտեք, որ 2018 թվականի արդյունքներով, մենք ինտերնետ կապի արագության առաջատարն ենք։ Այդ կապակցությամբ որոշել ենք նվեր անել հենց ինտերնետ օգտագործողներին»,– չորեքշաբթի լրագրողներին հայտնեց ընկերության գլխավոր տնօրեն Հայկ Եսայանը։
Լրացուցիչ գիգաբայթեր
Եսայանն ասաց, որ, օգտվելով ամանորյա առաջարկից, uGo 3500 и uGo 5500 սակագնային պլանների բաժանորդները կրկնակի գիգաբայթեր կստանան, եթե մինչև 2019 թվականի հունվարի 31–ը երկարացնեն իրենց պայմանագրերը 18 ամսով։ Մասնավորապես, uGo 3500 սակագնային պլանի բաժանորդներն ամսական 15 ԳԲ–ի փոխարեն կստանան 30 ԳԲ, իսկ uGo 5500 փաթեթի բաժանորդները` 40 ԳԲ–ի փոխարեն կստանան 80 ԳԲ։
«Այն բաժանորդները, ովքեր բաժանորդագրված են կանխավճարային սակագնի, կարող են այն փոխարինել հետվճարայինով, ինչպես նաև օգտվել այս ակցիայից։ Հույս ունենք, որ դա հաճելի անակնկալ կլինի մեր բաժանորդների համար»,– ասաց նա։
Գլխավոր տնօրենի խոսքով, նախատոնական ակցիայի շրջանակում ընկերության սպասարկման և վաճառքի կենտրոններում ցանկացած հեռախոս գնելու դեպքում 6 ամիս ժամկետով 20 գիգաբայթ ինտերնետ կստանան։
«Սա կրկնակի ավելի է ինտերնետի օգտագործման միջին մակարդակից։ Այսինքն, միջին վիճակագրական բաժանորդի համար 20 գիգաբայթը ռեսուրսի օպտիմալ չափն է, որը նա կարող է հանգիստ օգտագործել ֆիլմերի դիտման, երաժշտություն լսելու և հարազատների հետ շփման համար»,– ասաց Եսայանը։
Ընկերությունից հայտնեցին, որ գերարագ ինտերնետի օգտագործումից հետո բեռնման արագությունը կկազմի 64 կբ վայրկյան, իսկ ներբեռնման արագությունը` 8 կբ վայրկյան, ինչը բավական կլինի առցանց վճարումների իրականացման և գերարագ ինտերնետ փաթեթի ակտիվացման համար։
Նոր հեռուստաալիքներ
Ucom–ի գլխավոր տնօրենը հայտնեց, որ նախատոնական ակցիայի շրջանակում ընկերության բաժանորդներին կտրվի նոր ալիքներ դիտելու հնարավորություն ինտերնետի արագության մեծացման դեպքում։
«Ինտերնետի և տրաֆիկի արագության մեծացման շնորհիվ մենք կարող ենք որակյալ հեռուստատեսային ծառայություններ տրամացրել ոչ միայն մեր բաժանորդներին։ Մեր TV-box սարքավորումներից կարող են օգտվել նաև այլ հեռահաղորդակցային օպերատորների բաժանորդները»,– ասաց Եսայանը։
Նրա խոսքով, մյուս օպերատորների օգտագործողները կարող են փոխարինել TV-box–ը Ucom–ի մյուս գրասենյակներում, եթե իրենց օպերատորի ինտերնետի արագության հետ խնդիրներ ունենան։
Ucom (Universal Communications) հայկական ընկերությունը հիմնադրվել է 2007 թվականին։ Ucom–ը, լինելով Հայաստանի հեռուստահաղորդակցային շուկայի առաջատարներից մեկը, առաջարկում է ոլորտի ծառայությունների ողջ շրջանակը` գերարագ համաչափ ինտերնետ, IP-հեռուստատեսություն, թվային հեռախոսակապ։ -0-
Ծանոթացեք լուրերին առաջինն ու քննարկեք դրանք մեր Telegram-ում
17:31 12.12.2018