Ucom-ում գործարկվել է «Նվիրի՛ր սմարթֆոն, որի մեջ սեր կա» տոնական առաջարկը

ԵՐԵՎԱՆ, 1 մարտի. /ԱՌԿԱ/. Մարտի 1-ից ապրիլի 7-ը Ucom-ում գործելու է «Նվիրի՛ր սմարթֆոն, որի մեջ սեր կա» գարնանային առաջարկը, հայտնում է ընկերության մամուլի ծառայությունը։

Ինչպես նշվում է հաղորդման մեջ, դրա շրջանակներում Ucom ընկերության վաճառքի և սպասարկման կենտրոններից հատուկ գնով Xiaomi Redmi Note 6 Pro կամ Samsung Galaxy J6 + սմարթֆոնները կանխիկ կամ ապառիկ տարբերակով ձեռք բերելու դեպքում Ucom Կանխավճարային ծառայության, ինչպես նաև հետվճարային Ունիվերսալ և Ունիվերսալ Պլյուս սակագնային պլանների նոր և առկա բաժանորդները կստանան 60 ԳԲ ինտերնետ 6 ամսվա ընթացքում օգտագործելու համար։

«Բոլոր նրանք, ովքեր գարնան տոների ընթացքում նախատեսել են գեղեցիկ անակնկալ մատուցել իրենց մտերիմներին, այս առաջարկի շնորհիվ ոչ միայն սմարթֆոն կնվիրեն, այլև մեծ ծավալի շարժական ինտերնետ։ Վստահ եմ, որ Ձեր սիրելիները մեծապես կգնահատեն մշտապես կապի մեջ մնալու հնարավորությունը», - նշել է Ucom ընկերության համահիմնադիր և գլխավոր տնօրեն Հայկ Եսայանը։

Ընկերությունից հիշեցնում են, որ Xiaomi Redmi Note 6 Pro սմարթֆոնը հնարավոր է ձեռք բերել 99.900 դրամով, իսկ Samsung Galaxy J6 + -ը՝ 88.800 դրամով։ Բոլոր այլ սմարթֆոնների ձեռքբերման պարագայում Ucom Կանխավճարային ծառայության, ինչպես նաև հետվաճարային Ունիվերսալ և Ունիվերսալ Պլյուս սակագնային պլանների նոր և առկա բաժանորդները կստանան 20 ԳԲ ինտերնետ 6 ամսվա ընթացքում օգտագործելու համար։

Ucom ընկերությունը Հայաստանում 2009թ. սկսած կառուցել է գերժամանակակից օպտիկամանրաթելային ցանց, որը հնարավորություն է տալիս մեկ կապուղով մատուցել երեք ծառայություն՝ ինտերնետ, հեռուստատեսային ծառայություն և հեռախոսակապ:–0–

 

Ծանոթացեք լուրերին առաջինն ու քննարկեք դրանք մեր Telegram-ում

12:30 01.03.2019