Ուկրաինացի բլոգերները դատի են տվել Facebook–ին. ԶԼՄ
ԵՐԵՎԱՆ, 9 հունիսի. /ԱՌԿԱ/. Ուկրաինացի հայտնի բլոգերների մի խումբ, որոնց թվում են Ռադայի ժողովրդական պատգամավոր Բորիսլավ Բերյոզան, ուկրաինացի լրագրող Յուրի Բուտուսովը և գրականագետ Անդրեյ Բոնդարը, հայտարարել են Facebook–ի դեմ ներկայացված «համբավին հասցված վնասի համար» հայցի մասին, հայտնում է «ՌԻԱ Նովոստին»` հղում անելով ուկրաինական «Վեստի» թերթին։
Նրանք Facebook–ին մեղադրում են գրաքննության դրսևորումների մեջ։ Սակայն կազմակերպությունը հերքում է մեղադրանքները։
Ավելի վաղ Facebook–ի հիմնադիր Մարկ Ցուկերբերգը հայտարարել էր, որ Facebook–ը փակում է սոցցանցի ուկրաինացի օգտատերերի գրառումները` ընկերության ստանդարտները խախտելու, ագրեսիայի, էթնիկ ինքնության վիրավորանքի և խոշտանգումների կոչի համար։ Դրան ի պատասխան` Facebook սոցցանցում հայտնվել է խումբ, որը ուկրաինացի օգտատերերին կոչ էր անում սոցցանցին բոյկոտ հայտարարել` մի շարք ուկրաինացիների հաղորդագրությունների արգելափակման համար։ -0-
Ծանոթացեք լուրերին առաջինն ու քննարկեք դրանք մեր Telegram-ում
14:26 09.06.2015