«Յանդեքսի» քարտեզների վրա Ղրիմը որպես ռուսական տարածք է պատկերվել
ԵՐԵՎԱՆ, 25 մարտի. /ԱՌԿԱ/. «Յանդեքս» ընկերությունն իր քարտեզների վրա Ղրիմն արտապատկերել է որպես ռուսական տարածք, հաղորդում է Digit.ru–ն` հղում անելով ընկերության ներկայացուցիչներին։
Ռուսաստանից «Յանդեքս.Քարտեզներ» ծառայություն մտնելիս Ղրիմը պատկերվում է որպես ռուսական տարածք, հաստատում է Digit.ru –ն։
Ինչպես ավելի վաղ հայտնել էր Digit.ru–ն, «Յանդեքսը» այդ երկրներից յուրաքանչյուրի հետ իր ծառայությունները մշակում է այնպես, որ դրանք «լուծեն տեղական, լոկալ խնդիրներ»։ Այսպիսով` Ղրիմի տարածքային պատկանելիությունը կախված է այն երկրից, որից մտնում է օգտագործողը։
Ղրիմը քարտեզների վրա որպես ռուսական տարածք պատկերելու մասին առաջին հայտնել էր Mail.ru ընկերությունը։ Սակայն հիմա «Ղրիմ, Ռուսաստան» տեղեկությունը քարտեզագրական «Карты@Mail.Ru» ծառայությունը տալիս է միայն դրա տարածքի մասին հուշում ստանալու հարցում կատարելու դեպքում։ Այս պահին Mail.ru–ի քարտեզների վրա Ղրիմը սահմանով բաժանված չէ Ուկրաինայի տարածքից։ Ավելի վաղ Mail.Ru Group–ում ասում էին, որ քարտեզների փոփոխումից հետո ամբողջ Ղրիմը կպատկերվի որպես ռուսական տարածք անկախ այն երկրից, որի ծառայությունից կմտնի օգտատերը։
Google–ի և Microsoft–ի քարտեզագրական ծառայություններում Ղրիմը պատկերվում է որպես Ուկրաինայի տարածք։ -0-
Ծանոթացեք լուրերին առաջինն ու քննարկեք դրանք մեր Telegram-ում
12:04 25.03.2014