ՏՏ ՈԼՈՐՏԸ ՀԵՌԱՆԿԱՐԱՅԻՆ Է ԱՆԳԱՄ ՃԳՆԱԺԱՄԻ ՊԱՅՄԱՆՆԵՐՈՒՄ. ԿԱՐԾԻՔ

ՏՏ ՈԼՈՐՏԸ ՀԵՌԱՆԿԱՐԱՅԻՆ Է ԱՆԳԱՄ ՃԳՆԱԺԱՄԻ ՊԱՅՄԱՆՆԵՐՈՒՄ. ԿԱՐԾԻՔ

ԵՐԵՎԱՆ, 4 հունիսի. /ԱՌԿԱ/. ՏՏ ոլորտն անգամ համաշխարհային ճգնաժամի պայմաններում հեռանկարային է և ներդրումների կարիք է զգում, սակայն մասնավոր ներդրողները պետք է կողմնորոշվեն ռեցիպիենտի ընտրության հարցում, հայտարարեց «NASDAQ OMX Հայաստան» ֆոնդային բորսայի գործադիր տնօրեն   Արմեն Մելիքյանը «ԱՌԿԱ» գործակալությանը տված հարցազրույցում։

«Ավելի կարևոր է ոչ թե լավ ապրանքանիշը, այլ ֆինանսական հաշվետվությունը։ Եվ խնդիրը նույնիսկ այն չէ, թե ինչ իրավիճակում է այս կամ այն ընկերւոթյունը, այլ այն, թե ինչ ելք է առաջարկում մենեջմենթը»,- ասաց նա։

Այս կապակցությամբ Մելիքյանը նշեց, որ տեղեկատվական տեխնոլոգիաների շուկան հետաքրքիր է նրանով, որ տեխնոլոգիաները միշտ գոյություն են ունենալու և զարգանալու են ողջ աշխարհում։

«Իսկ ինչ վերաբերում է կադրային քաղաքականությանը, ապա չեմ կարծում, թե հետագայում այս ոլորտի ընկերություններին անհրաժեշտ կլինի աշխատակիցների նույնքան քանակություն, որքան առաջ։ Հետագայում քանակը կվերաճի որակի,  որովհետև ընկերության շահութաբերության ապահովման միակ հնարավորությունը ծախսերի կրճատումն է»,- պարզաբանեց նա։

Այս կապակցությամբ բորսայի գլխավոր տնօրենն ասաց նաև, որ ֆինանսական ճգնաժամի պայմաններում ՏՏ ընկերությունները կմնան շուկայում, բայց կկրճատեն իրենց ծախսերը, ինչը կհանգեցնի աճի և առաջխաղացման տեմպերի դանդաղեցման։

«Սակայն գործընթացն այսքանով չի ավարտվում, նոր ծրագրեր ու արտադրանք կմշակվի, թեև հնարավոր է՝ արդեն ոչ նույն տեմպերով»,- հավելեց Մելիքյանը։

Էկոնոմիկայի նախարարության տվյալներով, ՏՏ ոլորտի արտադրության ծավալը Հայաստանում 2008 թվականին կազմել է մոտ 111 մլն դոլար՝ 2003 թվականի 38 մլն-ի դիմաց, ինչով ապահովվել է 134 տոկոսանոց աճ։

Ներկայում Հայաստանում գործում է մոտ 177 ՏՏ-ընկերություն, որոնցից 56-ը՝ օտարերկրյա (կազմում են ՏՏ արտադրական շուկայի 30 տոկոսը)։ 2003 թվականի համեմատ զգալիորեն աճել են եվրոպական (17-23 տոկոս) և ամերիկյան (70 տոկոս) ներդրումների մասնաբաժինները։

ՏՏ-ընկերությունների ապրանքների և ծառայությունների մոտ 70 տոկոսը արտահանվում է աշխարհի 20 երկիր։ 2008 թվականին արտահանման ծավալը կազմել է մոտ 35 մլն դոլար։

2008 թվականին ՏՏ-ոլորտում ընդգրկվել է մոտ 5 հազար մասնագետ, այդ ցուցանիշը 2003 թվականի համեմատ աճել է 18 տոկոսով։ -0-

21:59 04.06.2009





 

« Օգոստոս 2017

Երկ
Երք
Չոր
Հնգ
Ուրբ
Շաբ
Կիր
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
 
 
Մականուն:
Գաղտնաբառ:

Գրանցվել
Եթե դուք ցանկանում եք նոր կայքը, խնդրում ենք լրացնել գրանցման ձեւը:

Մուտքագրեք կայքում կարող եք օգտագործել Ձեր հաշիվը ցանկացած է հետեւյալ ծառայությունները:

×