Telegram–ը Հայաստանում դառնում է մեդիաազդեցության լուրջ հարթակ. Մարտիրոսյան
ԵՐԵՎԱՆ, 27 սեպտեմբերի. /ԱՌԿԱ/. Հայաստանում վերջին շրջանում հայտնի է դարձել Telegram սոցիալական ցանցը, որտեղ սկսել են բացվել հայկական ալիքներ, աճում է օգտատերերի թիվը։ Սոցցանցի զարգացման հեռանկարների, հնարավրությունների և միտումների մասին «ԱՌԿԱ» գործակալությանը տված հարցազրույցում պատմել է մեդիափորձագետ, տեղեկատվական անվտանգության փորձագետ Սամվել Մարտիրոսյանը։
«ԱՌԿԱ». վերջին շրջանում Հայաստանում հայտնի է դառնում Telegram սոցցանցը։ Անգամ շատ հայկական լրատվամիջոցներ բացել են իրենց ալիքները։ Ինչու՞ են այն հայտնի դարձել Հայաստանում, ինչի՞ հետ է դա կապված։
Ս. Մարտիրոսյան. մինչև հեղափոխական շարժումը Հայաստանումը Telegram–ը շատ քիչ էր զարգացած, գործում էր ընդամենը մի քանի հայկական ալիք։ Սակայն շարժումը, որը համընկավ ՌԴ–ում և Իրանում Telegram–ի արգելափակման հետ, հանգեցրեց հետաքրքրության կտրուկ աճի ոչ միայն ցանցի արգելափակման շուրջ առաջացած խոշոր սկանդալների, այլև օպերատիվ, արագ տեղեկատվության կապի հաշվին, որը չի պահանջում լուրջ պատրաստվածություն։
«ԱՌԿԱ». կա՞, արդյոք, վիճակագրություն Հայաստանի մասով , և ինչպիսի՞ն է Telegram–ի ակտիվությունը տարեսկզբից։
Ս. Մարտիրոսյան. ինչ վերաբերում է հայաստանցի օգտատերերի վիճակագրությանը, ապա քանակի մասին հստակ տվյալներ չկան։ Դեռևս դա ոչ այնքան մեծ հատված է` այլ տեղեկատվական սոցիակալական հարթակների հետ համեմատ, ընդամենը մի քանի տասնյակ հազար օգտատեր, սակայն գրանցվում է մշտական ու դինամիկ աճ։
«ԱՌԿԱ». ի՞նչ պրոֆիլի ալիքներն են ավելի մեծ ճանաչում վայելում օգտատերերի շրջանում։ Կարո՞ղ է Telegram–ը մրցակցություն ստեղծել Facebook–ից որպես նոր հարթակ։
Ս. Մարտիրոսյան. դեռ առավել հայտնի են պարզապես լրատվական ալիքները, սակայն կան ալիքներ, որոնք պարզապես լուրեր են հեռարձակում։ Հայաստանում շատ քիչ են մասնագիտացված կամ անհատական ալիքները` բլոգ–հարթակները, հենց այդ պատճառով դեռևս լուրջ աճ չկա, որը հնարավոր կլինի ակնկալել նոր ստեղծվող ալիքների զարգացումից հետո։ Բնական է, որ Telegram–ը չի կարող մրցել Facebook–ի հետ, սակայն ինչ–որ ասպեկտներում այն ավելի լավ է, մասնավորապես, ավելի լավ կոնվերսիայի հաշվին։ Այսինքն, ավելի մեծ թվով ընթերցող է տեսնում այն, ինչ տեղադրվում է Telegram–ի ալիքում, ի տարբերություն Facebook–ի, որը ցույց է գալիս գրառումները կոնկրետ էջի շատ քիչ թվով ընթերցողների։ Բացի այդ, Telegram–ը դիվերսիֆիկացիայի հնարավորություն է լրատվամիջոցների համար, քանի որ այսօր կախվածությունը Facebook–ից շատ մեծ է, և ԶԼՄ–ները հաճախ պարզապես ի վիճակի չեն հետևել Facebook–ի ալգորիթմերի փոփոխություններին, որոնք հանգեցնում են տրաֆիկի կտրուկ անկման
«ԱՌԿԱ». ինչպիսի՞ն է հայկական Telegram ալիքների սեգմենտավորումն` ըստ լեզուների, որո՞նք են ավելի շատ` հայալեզունե՞րը, թե՞ ռուսալեզուները։
Ս. Մարտիրոսյան. այսօր Telegram–ում հիմնականում հայտնի են միայն լրատվական ալիքները, ընդ որում այդ ոլորտում առկա է լսարանի սեգմենտավորում` ռուսալեզու (որը սովորական է Telegram–ի համար) և երկրորդը` հայալեզու, որը դեռ նոր է հարմարվում այդ սոցցանցին։
«ԱՌԿԱ». կարգավորվու՞մ է, արդյոք, Telegram–ի գործունեությունը Հայաստանում, օրինակ, ԶԼՄ–ների մասին օրենքով։ Ինչպե՞ս է ալիքի անանունությունն ազդում է նրա ճանաչվածության վրա։
Ս. Մարտիրոսյան. ԶԼՄ–ների մասին օրենքը Հայաստանում շատ հին է, և այս ոլորտում ոչինչ ընդհանրապես չի կարգավորվում։ Սակայն ամեն դեպքում հայկական իրավական մեդիադաշտը շատ լիբերալ է, այնպես որ մեզ մոտ արգելափակման հետ հարցեր չեն առաջանում, ինչպես օրինակում ՌԴ–ում կամ Իրանում է։ Փաստորեն, այս ոլորտը որևէ կերպ չի կարգավորվում, սակայն նման հարց ևս չի ծագում։ Ինչ վերաբերում է անանունությանը, ապա Telegram–ի մասով այս հարցը դեռ սուր չէ ՀՀ–ում։
«ԱՌԿԱ». ինչպե՞ս եք գնահատում Հայաստանում Telegram–ի զարգացման հեռանկարները, ինչպիսի՞ն են միտումները։
Ս. Մարտիրոսյան. Telegram–ի լսարանը Հայաստանում կշարունակի աճել, դրան օգնում է նաև ռուսալեզու սփյուռքը, որը վաղուց օգտվում է Telegram ալիքներից ՌԴ–ում։ Աճը կտրուկ չի լինի, սակայն պարտադիր կգրանցվի, ընդ որում` թռիչքաձև։ Պարբերաբար կհայտնվեն նոր ու հետաքրքիր ալիքներ, որոնք կգրավեն նոր օգտատերերի, սակայն չարժե սպասել, որ Telegram–ը Հայաստանում կհասնի Facebook–ի կամ Instagram–ի հաջողության։ Միաժամանակ, մեդիաազդեցությամբ Telegram–ը դառնալու է զգալի և լուրջ հարթակ Հայաստանում։–0–
«ԱՌԿԱ» գործակալությունը խորհուրդ է տալիս հետևյալ Telegram լրատվական ալիքները.
Infocom
Баграмян 26
Armenia Today
Breaking News Armenia
Армения Сенсации
Ծանոթացեք լուրերին առաջինն ու քննարկեք դրանք մեր Telegram-ում
14:57 27.09.2018