ՀԱՅԱՍՏԱՆՈՒՄ ՁԱՅՆԱՅԻՆ ԾԱՌԱՅՈՒԹՅՈՒՆՆԵՐ ՄԱՏՈԻՑՈՂ ԸՆԿԵՐՈՒԹՅՈՒՆՆԵՐԸ ՊԱՐՏԱՎՈՐ ԵՆ ՀԾԿՀ-ԻՆ ԳՈՐԾՈՒՆԵՈՒԹՅԱՆ ՀԱՇՎԵՏՎՈՒԹՅՈՒՆ ՆԵՐԿԱՅԱՑՆԵԼ
ԵՐԵՎԱՆ, 10 հունիսի. /ԱՌԿԱ/. Հայաստանում ձայնային ծառայություններ մատուցող ընկերությունները եռամսյակը մեկ անգամ գործունեության մասին հաշվետվություն կներկայացնեն Հայաստանի հանրային ծառայությունները կարգավորող հանձնաժողովին։
Հանձնաժողովը նման որոշում է ընդունել չորեքշաբթի կայացած նիստի ընթացքում։
Ինչպես տեղեկացրեց տվյալ հարցով զեկուցող, ՀԾԿՀ հաղորդակցության բաժնի պետ Գևորգ Գևորգյանը, հաշվետվությունը պետք է ընդգրկի ընկերության հասույթի ծավալը հաշվետու ժամանակաշրջանում և իրականացրած ելքային զանգերի տևողությունը։
«Նմանատիպ հաշվետվությունները թույլ կտան շուկայի ավելի արդյունավետ վերլուծություն անցկացնել, պարզաբանել մրցակցության վիճակն այս շուկայում»,- ասաց Գևորգյանը։
Նա ընդգծեց, որ ողջ տեղեկատվությունը բոլոր ցանկացողների համար թափանցիկ ու հասանելի կլինի։
Գևորգյանն ընդգծեց նաև, որ մինչ որոշում ընդունելը, ՀԾԿՀ-ն խորհրդակցել է ՀՀ տրանսպորտի և կապի նախարարության համապատասխան կառույցների հետ և հավանություն ստացել նախաձեռնության համար։ -0-
Ծանոթացեք լուրերին առաջինն ու քննարկեք դրանք մեր Telegram-ում
01:05 11.06.2009
