ՀԾԿՀ-Ն NETSYS ԸՆԿԵՐՈՒԹՅԱՆԸ ՄԻՋԱԶԳԱՅԻՆ ԵԼՔԱՅԻՆ ԶԱՆԳԵՐԻ ԾԱՌԱՅՈՒԹՅՈՒՆՆԵՐ ԻՐԱԿԱՆԱՑՆԵԼՈՒ ՀԱՄԱՐ ՀԵՌԱԽՈՍԱՀԱՄԱՐ ԶԲԱՂԵՑՆԵԼՈՒ ԹՈՒՅԼՏՎՈՒԹՅՈՒՆ Է ՏՎԵԼ
ԵՐԵՎԱՆ, 3 փետրվարի. /ԱՌԿԱ/. Հայաստանի հանրային ծառայությունները կարգավորող հանձնաժողովը չորեքշաբթի նիստում Netsys ընկերությանը 598139 հեռախոսահամարը զբաղեցնելու թույլտվություն է տվել միջազգային ելքային զանգերի ծառայություններ իրականացնելու համար։
Ինչպես հայտնեց ՀԾԿՀ հեռահաղորդակցությունների վարչության պետ Գևորգ Գևորգյանը, լիցենզիան տրամադրվում է 10 տարի ժամկետով։
«Ընկերությունը մտադիր է ընդլայնել ձայնային ծառայությունների տեսականին»,- նշեց նա։
Հանձնաժողովը նաև IP-հեռախոսակապի անժամկետ լիցենզիա է տրամադրել անհատ ձեռներեց Արամ Հովսեփյանին։
Netsys ընկերությունը հայ-ամերիկյան համատեղ ձեռնարկություն է, որն Ինտերնետի ամբողջական փաթեթ է ապահովում Հայաստանի տարածքում։
Ընկերությունն ապահովում է Ինտերնետ և էլեկտրոնային փոստի ծառայություններ կոմուտացվող հեռախոսագծերի և լայնաշերտ DSL հասանելիության միջոցով, ինչպես նաև դոմենային անունների, վիրտուալ WEB և MAIL սերվերների գրանցումն ընդգրկող հոսթինգային ծառայությունների համապարփակ փաթեթ։
Ներկայումս Հայաստանում գործում է միջազգային ելքային զանգերի ծառայություններ տրամադրող 86 ընկերություն։ -0-
Ծանոթացեք լուրերին առաջինն ու քննարկեք դրանք մեր Telegram-ում
20:17 03.02.2010