ՀՀ ՏՄՊՊՀ-Ն ՆԱԽԱԶԳՈՒՇԱՑՈՒՄ Է ՆԵՐԿԱՅԱՑՐԵԼ «ԱՐՄԵՆՏԵԼ» ՓԲԸ-ԻՆ
ԵՐԵՎԱՆ, 1 հուլիսի. /ԱՌԿԱ/. ՀՀ տնտեսական մրցակցության պաշտպանության պետական հանձնաժողովը նախազգուշացում է ներկայացրել «ԱրմենՏել» ՓԲԸ-ին տրամադրվող ծառայությունների վերաբերյալ ոչ ամբողջական տեղեկատվության վերաբերյալ հարուցված վարույթի մասով, չորեքշաբթի ՏՄՊՊՀ նիստում հայտնեց հանձնաժողովի նախագահ Արտակ Շաբոյանը։
Հանձնաժողովը հուլիսի 4-ին անցկացված արտահերթ նիստում քրեական վարույթ է հարուցել «ԱրմենՏելի» նկատմամբ մամուլում տեղ գտած հրապարակման հիման վրա, որում ասվում էր, որ ընկերության բաժանորդներին ոչ ամբողջությամբ են տեղեկացնում գիշերային ժամերին ինտերնետ-քարտի օգտագործման պայմանների մասին։
«Բջջային կապի օպերատորի նման գործողությունները հանձնաժողովը գնահատել է որպես սպառողին մոլորության մեջ գցելու, ինչպես նաև անբարեխիղճ մրցակցության փորձ։ Սակայն, նկատի առնելով այն փաստը, որ «ԱրմենՏելը» վարույթի ընթացքում վերացրել է խախտումները, ապա ՏՄՊՊՀ-ն որոշել է որպես պատժամիջոց նախազգուշացում ներկայացնել»,- նշեց ՏՄՊՊՀ իրավաբանական տեսչության պետ Տիգրան Խչոյանը։
Խչոյանի խոսքերով, նկատի առնելով բջջային կապի շուկայում նմանատիպ միջադեպերի կրկնության հնարավորությունը, հանձնաժողովն ուշադրության կենտրոնում կպահի բջջային օպերատորների գործունեությունը։
ԱրմենՏել ՓԲԸ-ն (Beeline ապրանքանիշ) մտնում է «ՎիմպելԿոմ» ընկերությունների խմբի մեջ, 2007թ.-ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։
«ԱրմենՏելը» տրամադրում է ֆիքսված և բջջային կապի ծառայություններ, ինչպես նաև լայնաշերտ Ինտերնետ հասանելիություն: -0-
Ծանոթացեք լուրերին առաջինն ու քննարկեք դրանք մեր Telegram-ում
19:25 01.07.2010
