«Տելեպորտ» ՓԲԸ-ն Երեվանում ինտերնետ-ցանցի շահագործման արտոնագիր է ստացել
ԵՐԵՎԱՆ, 9 փետրվարի. /ԱՌԿԱ/. ՀՀ հանրային ծառայությունները կարգավորող հանձնաժողովը չորեքշաբթի նիստի ժամանակ «Տելեպորտ» ՓԲԸ-ին հանրային էլեկտրոնային հաղորդակցությունների ցանցի շահագործման արտոնագիր է տրամադրել:
Ինչպես հարցը ներկայացնելիս նշել է հանձնաժողովի հեռահաղորդակցության վարչության պետ Գևորգ Գևորգյանը, ընկերությունը Երևանի տարածքում արդեն ունի օպտիկամանրաթելային ցանց, որի միջոցով այս պահին կաբելային հեռուստատեսության ծառայություններ է մատուցում:
«Արտոնագրի առկայությունը թույլ կտա ընկերությանը բաժանորդներին տրամադրել նաև ինտերնետ-ծառայություններ», - ասել է Գևորգյանը: Արտոնագիրը տրամադրվել է 10 տարի ժամկետով:-0-
Ծանոթացեք լուրերին առաջինն ու քննարկեք դրանք մեր Telegram-ում
15:51 16.02.2011