Հայաստանի բջջային օպերատորների սարքավորումները համապատասխանում են միջազգային և տեղական չափանիշներին. ՀԾԿՀ , ՀԱՅԱՍՏԱՆ, ՕՊԵՐԱՏՈՐ, ՍԱՐՔԱՎՈՐՈՒՄ, ՀԾԿՀ, ԵՐԵՎԱՆ, 4 դեկտեմբերի. /ԱՌԿԱ/. Հայաստանում տեղադրված բջջային օպերատորների սարքավորումը համապատասխանում է միջ

ԵՐԵՎԱՆ, 4 դեկտեմբերի. /ԱՌԿԱ/. Ռուսաստանի բանկի` Մոսկվայի գլխավոր տարածքային վարչությունը հայց է ներկայացրել արբիտրաժային դատարան «Մաստեր–Բանկ» ԲԲԸ–ն սնանկ ճանաչելու վերաբերյալ։ Ինչպես նշվում է դատարանի կայքում, բանկը սնանկ ճանաչելու հայտարարությունը գրանցվել է 2013 թվականի դեկտեմբերի 3–ին, գրում է РБК–ն։

Բացի այդ, այսօրվանից Խնայբանկը և ВТБ 24–ը, որոնք ընտրվել են Ավանդների ապահովագրության գործակալության կողմից որպես գործակալ բանկեր, սկսում են հայտարարությունների ընդունումն ու Մաստեր–Բանկի ավանդատուների ապահովագրական փոխհատուցումների վճարումները։

Թե այդ երկու բանկերից որին պետք է դիմեն «զոհերը», կախված է նրանից, թե ինչ տառից է սկսվում ավանդատուի ազգանունը։ Նրանց, ում ազգանունը սկսվում է Ա–ից մինչև Լ (ինչպես նաև լատինատառ գրվող օտարալեզու ազգանուններ կրողներին), սպասում են Խնայբանկում։ ВТБ 24–ը կընդունի նրանց, ում ազգանունները սկսվում են Մ–ով և դրան հաջորդող տառերով։

Մաստեր–Բանկի պարտավորությունների ստացված ռեեստրի համաձայն, մոտ 31.2 մլրդ ռուբլու ապահովագրական փոխհատուցման վճարման համար կարող են դիմել շուրջ 144.5 հազար ավանդատուներ։ Միաժամանակ, Մոսկվայում և Մոսկվայի մարզում 108.5 հազար ավանդատուներ կարող են պահանջել 27.4 մլրդ ռուբլի, իսկ Սանկտ–Պետերբուրգում 6.2 հազար ավանդատուներ սպասում են 1.2 մլրդ ռուբլու։

Հիշեցնենք, որ նոյեմբերի 20–ին Մաստեր–Բանկից Կենտրոնական բանկի որոշմամբ հետ է կանչվել արտոնագիրը։ Որպես պաշտոնական պատճառ նշվել է բանկի հաշվետվության զգալի փոփոխությունը։ Նաև, ինչպես հայտնել է ԿԲ նախագահ Էլվիրա Նաբիուլինան, բանկը «ներգրավվել է տնտեսության ստվերային ցանցի սպասարկման, անօրինական շրջանառության, լվացման դեմ պայքարի օրենսդրության բազմակի խախտման մեջ»։

РБК–ի կողմից նոյեմբերի 21–ին անցկացված «Մաստեր–Բանկի սնանկացումը. Ինչ է լինելու բանկերի նկատմամբ վստահության հարցում» մամուլի ասուլիսի մասնակիցները հայտարարել էին, որ «Մաստեր–Բանկ» ԲԲԸ–ից արտոնագրի հետկանչումը ՌԴ բանկային հատվածի մեծածավալ մաքրման սկիզբն է, արտոնագրից զրկված վարկային կազմակերպությունների թիվը կարող է ավելանալ ամենամոտ ժամանակում։

Պետդումայի ֆինանսական շուկայի նախագահի տեղակալ Դմիտրի Սավելևը կարծում է, որ Մաստեր–Բանկի հետ կատարվածը միանգամյա ակցիա չէ, այլ բանկային հատվածի գլոբալ մաքրման սկիզբ, որի մասնակիցների ոչ պակաս քան 70 տոկոսն այս կամ այն աստիճան ներգրավված են տարբեր սխեմաներում։

«Փողերի լվացումն ամենուր է։ Արտերկիր դուրս բերելը` ամենուր։ Այո, սա ազդանշան է բանկիներին` կամ վերանայել սեփական գործունեության եկամուտները, կամ արտագաղթ, կամ բանտ։ Վերջ։ Այդ իսկ պատճառով սպասում ենք շարունակության, այն անպայման լինելու է»,– նշել է Պետդումայի ֆինանսական կոմիտեի նախագահի տեղակալը։ -0

Ծանոթացեք լուրերին առաջինն ու քննարկեք դրանք մեր Telegram-ում

16:42 04.12.2013