Հակական ՏՏ արտադրանքի արտահանման ծավալը 2014 թվականին կազմել է $150 մլն
ԵՐԵՎԱՆ, 2 ապրիլի. /ԱՌԿԱ/. Հակական ՏՏ արտադրանքի արտահանման ծավալը 2014 թվականին կազմել է $150 մլն, հինգշաբթի ասաց փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանը` ելույթ ունենալով Համակարգչային և տեղեկատվական տեխնոլոգիաների ձեռնարկությունների ռուսական ասոցիացիայի (ՀՏՏՁԱ) կազմակերպած «ՏՏ գագաթնաժողով 2015. Ոլորտի առաջնորդների հանդիպում» խորագրով համաժողովի ժամանակ։
Նրա խոսքերով` ոլորտում այսօր գործում է 400 ընկերություն, որտեղ աշխատում է 11 հազար մարդ։
«Տեղեկատվական տեխնոլոգիաների ոլորտը դինամիկ կերպով զարգանում է` վերջին տարիներին ապահովելով ոլորտի տարեկան 20% աճ», - ասաց Գաբրիելյանը։
Նա ընդգծեց, որ տեղեկատվական տեխնոլոգիաների ոլորտը շարունակում է մնալ հայկական կառավարության առաջնահերթությունների թվում, ինչի մասին վկայում են ՏՏ ոլորտում start-up ընկերություններին աջակցող նոր օրենսդրության ընդունումը։
Փոխվարչապետն ընդգծեց, որ կառավարությունն էական արտոնություններ է նախատեսել start-up ընկերությունների համար, մասնավորապես` առաջին երեք տարիներին դրանք կազատվեն հարկերից, իսկ եկամտահարկը կնվազեցվի 50%-ով։
«Տվյալ որոշումը թույլ կտա ձևավորել շարժական թիմեր, որոնք հետագայում հիմք կդառնան նոր ընկերությունների ստեղծման համար»,- ասաց Գաբրիելյանը։
Նա նշեց նաև, որ կառավարությունը տվյալ պահին աշխատանքներ է տանում ՏՏ ընկերությունների համար հարկային և մաքսային ծառայությունների պարզեցման և դրանց խթանման համար բարենպաստ բիզնես միջավայր ստեղծելու ուղղությամբ։
2000 թ.––ին ՀՀ կառավարությունը ՏՏ ոլորտը հայտարարեց հեռանկարային ոլորտ երկրի տնտեսության համար։ 2014 թ.–ի հունվարի 1–ի տվյալներով` Հայաստանում գրանցված է ՏՏ ոլորտում գործող ավելի քան 380 ընկերություն, որոնցից 159–ը օտարերկրյա կապիտալով են կամ օտարերկրյա խոշոր ընկերությունների ներկայացուցչություններ են։
Հայաստանի ՏՏ ոլորտն ամեն տարի ապահովում է մոտ 20–25 տոկոս աճ։ Հայաստանի ՀՆԱ–ում ՏՏ ոլորտի մասնաբաժինը կազմում է 3,8 տոկոս։ Ոլորտի զարգացման ռազմավարության համաձայն` 2018 թ.–ին նախատեսվում է ապահովել ՏՏ ոլորտի 1 մլրդ դոլարի շրջանառություն։
ՀՀ խորհրդարանը դեկտեմբերի 17–ին երրորդ և վերջին ընթերցմամբ ընդունեց «Տեղեկատվական տեխնոլոգիաների ոլորտի պետական աջակցության մասին» օրինագիծը և «Շահութահարկի մասին» և «Եկամտահարկի մասին» օրենքներում համապատասխան փոփոխությունների կատարումը։ Օրինագծով նախատեսվում է ստեղծել ՏՏ ոլորտում պետական օժանդակության` Հայաստանի համար նոր համակարգ։ Մասնավորապես, օրենսդրական փաթեթով ենթադրվում է բարենպաստ պայմաններ ստեղծել ոլորտում սկսնակ ընկերությունների (start-up) համար հարկային տեսանկյունից։ –0–
Ծանոթացեք լուրերին առաջինն ու քննարկեք դրանք մեր Telegram-ում
16:04 02.04.2015