Հայաստանում ՏՏ ոլորտի 20 տոկոսանոց աճ է կանխատեսվում տարվա արդյունքում. EIF

ԵՐԵՎԱՆ, 9 հուլիսի. /ԱՌԿԱ/.  Հայաստանի տեղեկատվական տեխնոլոգիաների ոլորտում 2012թ. արդյունքում ավելի քան 20 տոկոսանոց աճ է կանխատեսվում, հայտարարեց «Ձեռնարկությունների ինկուբատոր» հիմնադրամի (Enterprises Incubator foundation, EIF) տնօրեն Բագրատ Ենգիբարյանը՝ ընթացիկ տարվա առաջին եռամսյակի արդյունքները ներկայացնելիս:

«Ըստ նախնական տվյալների՝ 2012թ. առաջին կիսամյակում ոլորտի աճը կազմել է 20 տոկոս, կարծում ենք, որ այդ միտումը կպահպանվի, և մինչև տարեվերջ ՀՀ ՏՏ-ոլորտը ավելի քան 20 տոկոսանոց աճ կարձանագրի»,- ասաց Ենգիբարյանը երկուշաբթի ասուլիսում:

Նրա խոսքերով՝ առաջին կիսամսյակի արդյունքները դեռ այդքան բարձր չէին եղել, սովորաբար ոլորտում ակտիվություն է արձանագրվում միայն տարվա երկրորդ կիսամյակում:

«Ինչպես և սպասվում էր, 2012թ. ինչ-որ առումով կդառնա բերքահավաքի տարի, որը «ցանվել» էր 2011թ.-ին»,- ասվելացրեց նա:

Ենգիբարյանը հայտնեց նաև, որ 2012թ. առաջին եռամսյակի տվյալներով՝ գրանցվել է տեխնոլոգիական start-up ընկերությունների 10 տոկոս և կադրերի ոլորտում՝ 8 տոկոս աճ:

Ըստ UITE տվյալների՝ ՀՀ տեղեկատվական տեխնոլոգիաների ոլորտը 2011թ. արդյունքում 30 տոկոսանոց աճ է գրանցել 2010թ. համեմատ՝ կազմելով $205 մլն.:--0--