Հայկական start-up–երը հնգամյա հարկային արտոնություններ կստանան
ԵՐԵՎԱՆ, 1 մարտի. /ԱՌԿԱ/. Հայաստանի խորհրդարանը չորեքշաբթի երկրորդ և վերջնական ընթերցմամբ ընդունեց «Տեղեկատվական տեխնոլոգիաների ոլորտում պետական օժանդակության մասին» օրենքի լրացումները, որոնք նախատեսում են start-up ընկերությունների արտոնությունների երկարացումը։
Ինչպես նշեց Հայաստանի տնտեսական զարգացման և ներդրումների փոխնախարար Էմիլ Տարասյանը, օրենքով նախատեսվում էր, որ սթարթափերները կկարողանան արտոնություններ ստանալ միայն մինչև 2020 թվականի հունվարի 1–ը։
«Հաշվի առնելով դրական միտումները` ենթադրվում է երկարացնել արտոնությունների գործողության ժամկետը։ Մասնավորապես, եթե ավելի վաղ օրենքի գործողության ժամկետը սահմանափակվում էր 2020 թվականով, ապա այժմ ընկերությունը հինգ տարվա արտոնություն կստանա գրանցման պահից»,– ասաց Տարասյանը։
Միաժամանակ փոխնախարարն ընդգծեց, որ օրենքը հետադարձ ուժ կունենա և կանդրադառնա նաև ավելի վաղ գրանցված բոլոր ընկերություններին, որոնք նույնպես կկարողանան օգտվել հնգամյա արտոնյալ ժամանակահատվածից։ -0-
Ծանոթացեք լուրերին առաջինն ու քննարկեք դրանք մեր Telegram-ում
19:43 01.03.2017
