Հայ դեռահասներին կսովորեցնեն աշխատել 3D տպիչներով
ԵՐԵՎԱՆ, 28 նոյեմբերի. /ԱՌԿԱ/. Հայ դեռահասներին կսովորեցնեն աշխատել 3D տպիչներով «Թումո» ստեղծարար տեխնոլոգիաների կենտրոնի նախաձեռնած նոր եռաչափ տպիչների ստեղծման դասընթացների շրջանակներում, «ԱՌԿԱ» գործակալությանը տեղեկացրեց կենտրոնի հասարակայնության հետ կապերի համակարգող Գայանե Այվազյանը։
Նրա խոսքերով` կենտրոնում եռաչափ տպիչների ստեղծման դասընթացներ են մեկնարկում, որոնց նպատակն է երեխաներին 3D մոդելավորում սովորեցնել, նրանց ներկայացնել նոր բաղադրիչի ստեղծման համար եռաչափ տպիչի բաղադրիչների վերարտադրության հնարավորությունները։
«Դասընթացները թույլ են տալիս երեխաներին օգտագործել իրենց տեխնիկական հմտությունները, զարգացնել սեփական երևակությունն ու ապահովել ստեղծագործ մոտեցում», – ասաց Այվազյանը։
Նա նշեց, որ սա կենտրոնի նոր նախագիծն է, որը դիտարկվում է որպես ամռանը մեկնարկած 3D մոդելավորման դասընթացների շարունակություն։
Այվազյանի խոսքերով` կենտրոնը հայ երիտասարդներին հնարավորություն է տալիս առնչվել նորագույն տեխնոլոգիաների հետ, որոնք նոր ուղղություն են, և նրանց համար հետաքրքրիր կլինի տեսնել, թե ինչպես է դա տեղի ունենում։
«Սա այն ոլորտն է, որն ակտիվորեն զարգանում է Հայաստանում և թույլ է տալիս երիտասարդներին տեխնոլոգիաների զարգացմանը համահունչ ընթանալ», – ասաց Այվազյանը։
«Թումո» ստեղծարար տեխնոլոգիաների կենտրոնի եռաչափ տպիչների ստեղծման դասընթացների ղեկավար Սերգեյ Իսախանյանն իր հերթին նշեց, որ ունկդիրները կուսումնասիրեն 3D մոդելավորումը, կսովորեն մոդելավորել անհրաժեշտ դետալներ, որոնք կտպվեն 3D տպիչով և որոնցից դասընթացի ավարտից հետո կհավաքվի նոր 3D տպիչ։
Նա նշեց, որ 3D տպիչի միջոցով հնարավոր է տպել ոչ մեծ եռաչափ մոդելներ որքան թույլ է տալիս տպիչի մակերեսը` միաժամանակ ավելացնելով, որ կենտրոնում աշխատանքներ են տարվում նաև ծրագրային մասի ուղղությամբ, որը կնախագծի տպագրության պրոցեսը։
Նրա խոսքերով` Հայաստանում դեռ չեն արտադրվում եռաչափ տպիչների պլատաներ, չնայած կենտրոնում այս ուղղությամբ ևս աշխատանքներ են տարվում, մասնավորապես, առաջարկվում է հին համակարգչի դետալներից հավաքել պլատաներ նորի համար, և բացառված չէ, որ այս սկզբունքը կօգտագործվի նաև 3D տպիչների համար։
«Թումո» կենտրոնը նախատեսված է 12-18 տարեկան երեխաների տեղեկատվական տեխնոլոգիաներին անվճար ուսուցման համար: Կենտրոնի նպատակն է ծանոթացնել հայ երիտասարդներին առաջատար տեխնոլոգիաների հետ և ուսուցանել դրանք, ինչպես նաև հնարավորություն ընձեռել նրանց հետաքրքրող ՏՏ ոլորտների առավել խորը ուսումնասիրման համար։–0–
Ծանոթացեք լուրերին առաջինն ու քննարկեք դրանք մեր Telegram-ում
17:09 28.11.2013
