Ռուսաստանում սկսվել են ամենաէժան Android-սմարթֆոնի վաճառքները

ԵՐԵՎԱՆ, 2 ապրիլի. /ԱՌԿԱ/.  «Մեգաֆոն Login» սմարթֆոնը, որն օպերատորն անվանում է «առաջին ժողովրդական Android-սմարթֆոնը», շուկայի ամենաէժանն է։ Սարքի գինը 1990 ռուբլի է։ Այդ գնով «Մեգաֆոն Login» կարելի է ձեռք բերել միայն «Ինտերնետ XS»` երեք ամսից ոչ պակաս սակագնային փաթեթով։ Սարքի գինն առանց միացման կազմում է 2990 ռուբլի։

«Ինտերնետ XS» սակագինը ենթադրում է ամսական մինչև 1.5 ԳԲ ծավալով և օրական մինչև 50 ՄԲ մինչև 1 Մբիթ/վրկ արագության ինտերնետ հասանելիություն։ Տրաֆիկի ծավալների գերազանցումից հետո հասանելիության արագությունը նվազում է մինչև 64 Մբիթ/վրկ։ Դրա բաժանորդային վճարը կազմում է 170 ռուբլի։ Այդպիսով, «Մեգաֆոն Login»–ի իրական գինը, ներառյալ «Ինտերնետ XS» –ը, կազմում է 2560 ռուբլի, հաղորդում է ՌԻԱ Նովոստին։

Հաշվի առնելով ինտերնետ–սակագնի ծախսերը` «Մեգաֆոն Login»–ը կարելի է համարել ռուսական շուկայում ամենաէժան ժամանակակից Android-սմարթֆոնը։ ՄՏՍ օպերատորն առաջարկում է МТС 950 սմարթֆոնը նույն` 1990 ռուբլի գնով, սակայն այդ սարքը մատակարարվում է 2009 թվականին թողարկված Android 2.0–ով։ Ի տարբերություն վերջինի, «Մեգաֆոն» սարքը վաճառվում է Android 4.0 (Ice Cream Sandwich) հարաբերականորեն ժամանակակից օպերացիոն համակարգով։  

Եվ «Մեգաֆոն Login»–ը, և МТС 950–ն ընդունակ են աշխատել միայն իրենց օպերատորների ցանցերում։ -0-

Ծանոթացեք լուրերին առաջինն ու քննարկեք դրանք մեր Telegram-ում

14:49 02.04.2013