Տիեզերք է արձակվել արբանյակ` տպագրված 3D տպիչով
ԵՐԵՎԱՆ, 1 ապրիլի. /ԱՌԿԱ/. Հրթիռակիր «Սոյուզ-2.1ա»-ն Բայկոնուրի տիեզերակայանից հաջող արձակվել է դեպի Միջազգային տիեզերակայան (ՄՏԿ)։ Հրթիռակիրը ՄՏԿ կտեղափոխի 3D տպիչով տպագրված արբանյակ, հայտնում է hi-tech.mail.ru-ն` հղում անելով «Ռոսկոսմոս»-ին:
Հրթիռն արձակվել է Մոսկվայի ժամանակով ժամը 19:24-ին: Մեկնարկից ութ րոպե անց հաջող առանձնացել է երրորդ աստիճանը և տրանսպորտային բեռնանավ «Պրոգրես ՄՍ-02»-ը սկսել է իր ծրագրի իրականացումը:
Բեռնատար մեկուսախուցը պետք է ՄՏԿ հասցնի մոտ 2,5 տոննա բեռ, այդ թվում ` վառելանյութ, թթվածին, սննդամթերք, անձնակազմի համար ծանրոցներ և այլն:
Բացի այդ, նավը ՄՏԿ կտեղափոխի «ՏՈՄՍԿ-ՏՊՈՒ-120» միկրոարբանյակը: Վերջինիս առանձնահատկությունն այն է, որ կմախքը և միացնող տարրերը տպագրվել են 3D տպիչով: -0-
Ծանոթացեք լուրերին առաջինն ու քննարկեք դրանք մեր Telegram-ում
17:22 01.04.2016