Apple–ը ստեղծում է Full HD–ից բարձր թողունակությամբ հեռուստացույց
ԵՐԵՎԱՆ, 27 մարտի. /ԱՌԿԱ/. iTV հեռուստացույցը, որի մշակումով է զբաղված Apple–ը, կունենա Ultra HD (3840 x 2160) թողունակության մատրիցա, ինչը չորս անգամ գերազանցում է Full HD (1920 x 1080) թողունակությունը, գրում է cnews.ru –ն` հղում անելով DigiTimes–ին, որն իր հերթին վկայաբերում է սեփական աղբյուրներին։
Ultra HD (կամ 4K) հեռուստացույցը կունենա շարժումների և ձայնի կառավարման հնարավորություն, գրում է պարբերականը։
Աղբյուրների տվյալներով, Ultra HD- պանելների մատակարարման առումով Apple–ը հույսեր է կապում LG Display–ի հետ` ակնկալելով, որ այն կկարողանա թողարկման անհրաժեշտ ծավալ հաստատել 2013 թվականի երկրորդ կեսին։ Եթե ընկերությանը հաջողվի դա անել, ապա iTV–ն կարող է ներկայացվել այս տարվա վերջին կամ հաջորդ տարվա սկզբին։
Ultra HD ֆորմատի հեռուստացույցները շուկայական նոր թրենդ են։ Այդպիսի սարքեր են ներկայացրել Samsung Electronics–ը, LG Electronics–ը և այլ արտադրողներ։ LG ընկերությունն արդեն Ultra HD-հեռուստացույց է վաճառում ռուսական շուկայում` 84–դյույմանոց էկրանով 84LM960V մոդելի արժեքն է 599990 ռուբլի։
Ultra HD-հեռուստացույցների խնդիրը, բացի բարձր արժեքից, 4K-կոնտենտի բացակայությունն է։ Աշխարհում առայժմ գոյություն ունեն այդ ֆորմատով հեռարձակող միայն մի քանի թվային հեռուստատեսային ալիքներ։ Նման սարքերի գնումը չիմաստազրկելու համար արտադրողներն այժմ այն զինում են չափերի որակի բարձրացման (ափսքեյլինգ) գործընթացով։
NPD DisplaySearch–ի կանխատեսմամբ, 2014 թվականին համաշխարհային շուկա է մատակարարվել ավելի քան 2 մլն Ultra HD հեռուստացույցներ, 2015 թվականին մատակարարումների ծավալը կգերազանցի 4.5 միլիոնը, իսկ 2016 թվականին` 7 միլիոնը։ Հատկանշական է, որ 2014 և 2015 թվականներին Ultra HD հեռուստացույցների մատակարարումների ծավալը կգերազանցի OLED-հեռուստացույցների մատակարարումների ծավալը։
Ենթադրություններն այն մասին, որ Apple–ը պատրաստվում է թողարկել սեփական ապրանքանիշով հեռուստացույց, պտտվում են արդեն մի քանի տարի։ Նախորդ տարվա դեկտեմբերին Piper Jaffray–ի վերլուծաբան Ջին Մանսթերը (Gene Munster) կանխագուշակել էր, որ iTV–ն կստանա 42-55 դյույմ անկյունագծով պանել և վաճառքի կանցնի այս տարվա վերջին` 1500-2000 գնով։
Apple–ի` հեռուստացույցների շուկայում հեղափոխություն կատարելու մտադրությունը, որոնց վաճառքն ինտերնետի դարաշրջանում, հիշատակվում է ընկերության նախկին ղեկավար Սթիվ Ջոբսի (Steve Jobs) պաշտոնական կենսագրությունում։ Հեղինակի գրքից տեղեկանում ենք, որ Ջոբսը ցանկանում էր ստեղծել էլեգանտ մի սարք, որից շատ հեշտ կլիներ օգտվել։
-0-
Ծանոթացեք լուրերին առաջինն ու քննարկեք դրանք մեր Telegram-ում
18:30 27.03.2013
