LG–ն նվազեցրել է 4K-հեռուստացույցների գները

ԵՐԵՎԱՆ, 27 սեպտեմբերի. /ԱՌԿԱ/. LG Electronics ընկերությունը միջազգային շուկայում ներկայացրել է Ultra HD (4K) ձևաչափի հեռուստացույցների երկու նոր մոդել, որոնց շնորհիվ նոր տեխնոլոգիան ավելի հասանելի կդառնա հասարակության լայն զանգվածի համար, գրում է cnews.ru–ն։

Էկրանի 55 և 65 դյույմ անկյունագծով 55LA9650 և 65LA9650 LG նոր հեռուստացույցները համապատասխանաբար ապահովված են 3820 x 2160 պիքսել թողունակությամբ, ինչը 4 անգամ շատ է 1920 x 1080 պիքսելի (Full HD ձևաչափ) համեմատ։

Նորույթների առանձնահատկություններից հարկ է նշել Magic Remote հեռակառավարման վահանակը, որը թույլ է տալիս կառավարել էկրանին հայտնված կուրսորը, ճանաչում է շարժումներն ու ձայնային հրահանգները։

ԱՄՆ–ում նոր LG հեռուստացույցների վաճառքը նախատեսում են սկսել մինչև 2013թ.–ի սեպտեմբերի ավարտը։ LG 55LA9650 մոդելի արժեքը կկազմի  $3499, 65LA9650–ը` $4999։

Համեմատության համար նշենք, որ LA9700 շարքի մոդելները, որոնց վաճառքը LG–ին սկսեց ամռան կեսին, այժմ վաճառվում են $4499 և $6499 գնով (55 և 65 դյույմ): Այսինքն` նոր հեռուստացույցներն ավելի էժան են համապատասխանաբար 1000 և 1500 դոլարով։

Հայտնի չէ, թե այս հեռուսատացուցներն այլ երկրներում երբ կլինեն վաճառասրահներում։

Բացի նոր 55LA9650 և 65LA9650, ինչպես նաև նախկինում գործարկված առավել թանկ 55LA9700 և 65LA9700 մոդելներից, LG–ի շարքում կա ևս մեկ հեռուստացույց` 84LM9600, 84 դյույմ անկյունագիծ ունեցող էկրանով և 16999 դոլար արժեքով։ Այդ մոդելը ներկայացվել է ուղիղ մեկ տարի առաջ։ –0–

Ծանոթացեք լուրերին առաջինն ու քննարկեք դրանք մեր Telegram-ում

17:29 27.09.2013