Samsung ընկերությունը ծրագրում է մինչև հուլիսի ավարտը 10 մլն Galaxy S III վաճառել
ԵՐԵՎԱՆ, 26 հունիսի. /ԱՌԿԱ/. Աշխարհում ամենամեծ, բջջային հեռախոսներ արտադրող ընկերությունը Samsung ծրագրում է մինչև հուլիսի ավարտը 10 մլն Galaxy S III վաճառել՝ նոր ռեկորդ սահմանելով Galaxy շարքի սմարթֆոնների իրացման արագության առումով, երկուշաբթի տեղեկացրել է Ռոյթերս ընկերությունը՝ մեջբերելով Samsung-ւ բջջային բաժանմունքի ղեկավար Ջեյ Քեյ Շինի խոսքը, հաղորդում է ՌԻԱ Նովոստին:
Samsung Galaxy S III սմարթֆոնը աշխարհում ամենահայտնի սմարթֆոններից մեկի՝ Apple iPhone-ի գլխավոր մրցակիցն է: S III-ի վա-առքը սկսվել է ընթացիկ տարվա մայիսի 29-ին: Եվ եթե հարավկորեական ընկերության ներկայացուցիչների կանխատեսումներն իրականանան, ապա այս սմարթֆոնը Samsung-ի պատմության մեջ ամենաարագ վաճառվող բջջային սարքը կլինի:--0-
Ծանոթացեք լուրերին առաջինն ու քննարկեք դրանք մեր Telegram-ում
10:36 26.06.2012