Samsung–ը կոր հեռուստացույց է ներկայացրել
ԵՐԵՎԱՆ, 14 օգոստոսի. /ԱՌԿԱ/. Samsung ընկերությունը ամերիկյան շուկա է մատակարարում Samsung KN55S9 կոր էկրանով հեռուստացույցները։ Ընկերությունը վստահեցնում է, որ կոր էկրանն ավելացնում է դիտման ընթացքում ստացած տպավորությունները, գրում է cnews.ru–ն։
55 դյույմ անկյունագծով Samsung KN55S9–ի արժեքը 9 հազար դոլար է։ Սա 6 հազար դոլարով քիչ է նախատեսված գնից։ Ինչպես նշում է Pocket-lint–ը, ընկերությունն ապրանքը ներկայացրել է իջեցված գնով, որպեսզի առավելություն ունենա նույն կարողություններ ունեցող և արդեն շուկայում վաճառվող LG 55EA9800 մոդելի նկատմամբ։
LG ընկերությունը 55 դյույմ անկյունագծով կոր հեռուստացույցի վաճառքը սկսել է 2013 թվականի հուլիսին։ Հեռուստացույցն արժե 15 հազար դոլար։
OLED տեխնոլոգիայի ընտրությունը պատահական չէ։ Samsung–ի ներկայացուցիչների խոսքով` այն ավելի որակյալ պատկեր է առաջարկում, քան LCD–ն։ Ընկերությունում վստահ են, որ սպառողները պատրաստ են գումար վճարել ավելի որակյալ պատկերի համար, թեպետ հարկ է նշել, որ նրանք ստիպված կլինեն մոտավորապես չորս անգամ շատ գումար ծախսել, եթե որոշեն Full HD LCD հեռուստացույցը փոխարինել այս նորույթով։
OLED հեռուստացույցները դեռ մեծ ճանաչում չունեն, պատճառը նախևառաջ բարձր գինն է։ NPD DisplaySearch–ի տվյալով` 2013 թվականի առաջին կիսամյակում համաշխարհային շուկային ընդամենը 100 նման սարք է մատակարարվել։-0-
Ծանոթացեք լուրերին առաջինն ու քննարկեք դրանք մեր Telegram-ում
17:35 14.08.2013