Samsung Galaxy Alpha–ն Հայաստանում վաճառքի կդրվի հոկտեմբերի 15–ին

ԵՐԵՎԱՆ, 7 հոկտեմբերի. /ԱՌԿԱ/. Samsung Electronics–ը հայկական շուկայում պաշտոնապես ներկայացրեց Samsung Galaxy Alpha սմարթֆոնը, որը վաճառքում կլինի հոկտեմբերի 15–ին, երեքշաբթի շնորհանդեսի ժամանակ ասաց Հայաստանում Samsung Electronics ընկերության պաշտոնական ներկայացուցչության ղեկավար Անդրանիկ Շահբազյանը։

«Samsung–ը ներկայացնում է առաջատար շարքի հերթական մոդել Galaxy Alpha–ն, որը տարբերվում է դիզայներական մոտեցմամբ և կիրառված որոշումներով»,– ասաց Շահբազյանը։

Ըստ նրա, Samsung GALAXY Alpha –ն  Samsung առաջին մետաղյա Android-սմարթֆոնն է, որն ընդգրկում է առաջատար տեխնոլոգիաներ և բացառիկ հնարավորությունների լայն ընտրություն։

Նա նշեց, որ Alpha-ն Galaxy շարքի ամենաթեթև և գերբարակ սմարթֆոնն է. հաստությունը 6.7 մմ է, երկարությունը՝ 132.4 մմ, լայնությունը՝ 65.5 մմ, քաշը՝ 115 գրամ: Բացի այդ, սմարթֆոնը զինված է 12 ՄՊ հիմնական տեսախցիկով, որն ունի HDR լուսանկարներ և վիդեո նկարելու հնարավորություն, ինչպես նաև 2.1 ՄՊ դիմային տեսախցիկ։

Հետաքրքիր հնարավորությունների ցանկում Շահբազյանը նշեց մատնահետքերի լուսանցիչը, որով ոչ միայն կարելի է ապաարգելափակել հեռախոսը, այլ նաև մտնել սոցիալական ցանցեր։ Իսկ S-Health հավելվածը սրտի աշխատանքի ցուցիչն է, որը թույլ է տալիս բոլոր մարզիկներին և ակտիվ կենսակերպ վարողներին վերահսկել ֆիզիկական բեռնվածությունը։

Galaxy Alpha-ն ունի 4.7՛՛HD Super AMOLED էկրան՝ 1280х720 պիքսել կետայնությամբ: Այն առանձնանում է բարձր գունային հատկանիշներով։Սմարթֆոնն աշխատում է Android 4.4.4 KitKat օպերացիոն համակարգով՝ ֆիրմային գրաֆիկական TouchWiz ծածկույթով, ինչպես նաև ունի 2 ԳԲ օպերատիվ հիշողություն և 1860 մԱժ տարողության հանովի մարտկոց։

Սելեկտիվ ավտոֆոկուսով համալրված տեսախցիկը
մշտապես կապահովի գեղարվեստական բարձր որակի լուսանկարների նկարահանում: Էներգախնայման բարելավված համակարգը, խելացի սնուցման ռեժիմի շնորհիվ, մարտկոցի լիցքի ցածր մակարդակի ժամանակ ավտոմատ կկանգնեցնի բոլոր հավելվածները՝ թողնելով միայն հեռախոսի հիմնական ֆունկցիաների հասանելիությունը:

Սմարթֆոնն աշխատում է նաև LTE Advanced/4G+ ցանցում, ինչը հնարավորություն է տալիս զգալիորեն արագացնելու տվյալների փոխանակումը համացանցում:

Այն առանձնանում է բարձր գունային հատկանիշներով, տեքստի հստակ արտացոլմամբ և Ultra-Power Saving Mode էներգախնայողության ռեժիմով, որի շնորհիվ 10% լիցքավորման պարագայում սմարթֆոնը կարելի է օգտագործել 24 ժամ. նորարարական տեխնոլոգիաների օգտագործումը զգալիորեն նվազեցնում է էներգիայի սպառումը:

«Սմարթֆոնը չորս գունային լուծումներով` Charcoal Black՝ ածխային սև, Dazzling White՝ շլացուցիչ սպիտակ, Frosted Gold՝ փայլատ ոսկեգույն, Sleek Silver՝ հարթ արծաթագույն և Scuba Blue՝ ծովի կապույտ, հասանելի կլինի հայկական խանութներում արդեն հոկտեմբերի 15–ից, իսկ նախնական հայտ ներկայացրած առաջին օգտագործողները նվեր կստանան Samsung Level box դինամիկ»,– ասաց Շահբազյանը։

Ըստ նրա, Samsung գործընկեր խանութներում սմարթֆոնի արժեքը կկազմի 336 հազար դրամ (մոտ $823)։–0—

Ծանոթացեք լուրերին առաջինն ու քննարկեք դրանք մեր Telegram-ում

15:57 07.10.2014