Samsung–ը ներկայացրել է Galaxy Gear ժամացույցը
ԵՐԵՎԱՆ, 5 սեպտեմբերի. /ԱՌԿԱ/. Samsung ընկերությունը Բեռլինում և Նյու Յորքում Samsung Unpacked 2013 Episode 2 միջոցառման ընթացքում ներկայացրել է Galaxy Gear «խելացի ժամացույցը», հաղորդում է digit.ru–ն։
«Սա պարզապես խելացի ժամացույց չէ, այլ կրող սարք, այդ պատճառով մենք այն գործարկում ենք Galaxy Note 3–ի հետ»,– ընդգծել է Ռուսաստանում Samsung Mobile –ի ղեկավար Ալեքսեյ Դորոֆեևը։
Սարքն աշխատում է ժամանակակից Android օպերացիոն համակարգով։ Այն համատեղելի է Galaxy S3 և S4, Galaxy Note 2 սմարթֆոնների հետ (այդ երեք սարքերի համար նորացում կպահանջվի, որը շուտով կներկայացվի) և Note 3, ինչպես նաև այսօր հայտարարված Galaxy Tab (2014 edition) պլանշետը։
Galaxy Gear–ը թույլ է տալիս զանգեր ընդունել և խոսել. նման հնարավորություն չունի Sony Smartwatch 2 մրցակից մոդելը, սակայն այս հնարավորությունը պետք է ունենա LG ընկերության «խելացի ժամացույցը», որը կներկայացվի այս աշնանից ոչ ուշ, տեղեկացնում է Digit.ru–ն։
Ներկառուցված խոսափողը թույլ է տալիս Galaxy Gear–ին S Voice գործողություն ապահովել, որը տարբերում է ձայնային հարցումները, ինչը թույլ է տալիս, օրինակ, ժամացույցի էկրանին տեսնել եղանակը։ Պահանջվող տեղեկատվությունը տրվում է 1,63 դյույմանոց էկրանով։ Էկրանի մատրիցան ունի 320×200 կետ թողունակություն և ապահովված է Super AMOLED տեխնոլոգիայով։ Ներկառուցված 1,9 ՄՊ տեսախցիկը թույլ է տալիս առանց հեռախոսին միանալու լուսանկարել։ Սեփական ներկառուցված հիշողությունը հնարավորություն է ընձեռում պահպանել լուսանկարները և հավելվածներ տեղադրել, որոնք հատուկ հարմարեցված են Galaxy Gear–ի համար։
Ժամացույցն այնպիսի գործողություններ է ապահովում, ինչպիսին են ժեստերի կառավարումը, Smart Relay փոխանցումը, օրինակ` մեկ հպումով տեղեկատվության փոխանցումը ժամացույցից հեռախոս և հակառակը։ Ըստ արտադրողի հայտարարության, դրանք կարող են աշխատել 25 ժամից շատ։ Ներկայացվել են տարբեր գունային Galaxy Gear վեց մոդելները։ Սարքը ռուսական շուկայում կհայտնվի հոկտեմբերի սկզբին։ Ալեքսեյ Դորոֆեևը Digit.ru –ին տեղեկացրել է, որ գինը հայտնի կդառնա առաջիկայում։ –0–
Ծանոթացեք լուրերին առաջինն ու քննարկեք դրանք մեր Telegram-ում
12:31 05.09.2013
