Samsung–ը հսկա սմարթֆոնների էժան տարբերակն է արտադրում
ԵՐԵՎԱՆ, 13 հունվարի. /ԱՌԿԱ/. Ցանցում են հայտնվել Samsung Galaxy Note 3 Lite սմարթֆոնի բյուջետային տարբերակի բնութագրերը, որը, ինչպես ակնկալվում է, կներկայացվի փետրվարին` Mobile World Congress 2014 ցուցահանդեսում, գրում է cnews.ru–ն։
Դրանք հրապարակել է Sammobile պարբերականը` հղում անելով Samsung ընկերության աղբյուրին։ Այն ցանցում տեղադրել է գաջեթի առաջին լուսանկարները և հայտնել դրա վերջնական կոմերցիոն անվանումը` Samsung Galaxy Note 3 Neo։
Samsung Galaxy Note 3 Lite–ը` Samsung Galaxy Note 3 հայտնի խոշոր սմարթֆոնի բյուջետային տարբերակը կդառնա աշխարհում առաջին սմարթֆոնը վեցմիջուկանի պրոցեսորով։
Որպես պրոցեսոր սարքում կօգտագործվի Exynos 5260 չիպը` Heterogeneous Multi-Processing (HMP) տեխնոլոգիայով, որի շնորհիվ տարբեր բարդության խնդիրներ բաշխվում են տարբեր էներգասպառման միջուկների միջև։
Samsung Galaxy Note 3 Lite–ը զինված է 8 ՄՊ հիմնական խցիկով «մեծ» Note 3–ի 13 ՄՊ–ի դիմաց։
Samsung Galaxy Note 3 Lite–ը կաշխատի Android 4.3 Jelly Bean կառավարմամբ, որը կորցնում է արդիականությունն Android 4.4 KitKat–ի հայտնվելուց հետո։
Էժան պլանշետի մասին լուրերը չեն հակասում այն միտմանը, թե Samsung–ը պետք է կենտրոնանա միջին և բյուջետային գնային կարգերի սարքերի թողարկման վրա` չինական արտադրողների գերակշռությանը դիմակայելու համար։
Այսպես, Lite-տարբերակի Galaxy Note 3–ի հայտնվելը կանխատեսվել էր 2013 թվականի դեկտեմբերին։ Միաժամանակ կանխատեսվում էր նաև Galaxy Grand (խոշոր էկրանով և միջին տեխնիկական բնութագրերով սմարթֆոնների) շարքի «բյուջետային» մոդելների թողարկումը։ -0-
Ծանոթացեք լուրերին առաջինն ու քննարկեք դրանք մեր Telegram-ում
17:05 13.01.2014