Samsung–ը թողարկել է աշխարհում առաջին կոր էկրանով սմարթֆոնը

ԵՐԵՎԱՆ, 9 հոկտեմբերի. /ԱՌԿԱ/. Samsung–ը թողարկել է աշխարհում առաջին կոր էկրանով Galaxy Round սմարթֆոնը, գրում է digit.ru–ն` հղում անելով ընկերության հաղորդագրությանը։

Galaxy Round–ի էկրանի ծայրերը կոր են, ինչը թույլ է տալիս դրանց վրա տեղեկություն արտապատկերել հիմնական էկրանի անջատման ժամանակ և կառավարել սմարթֆոնն էկրանի կողային մասին հպվելով։ Առաջին անգամ սմարթֆոնում  կիրառվում է Full HD թողունակության ճկուն էկրան` Super AMOLED մատրիցայով։

Ավելի վաղ Ռուսատսանում ծանուցվել էին Sony, LG և Samsung ընկերությունների կոր էկրանով հեռուստացույցները, երեկ LG–ն ծանուցել է սմարթֆոնների առաջին ճկուն էկրանը, բայց շուկայում հասանելի սմարթֆոններն ավելի վաղ չեն ունեցել ճկուն էկրաններ։

Roll Effect ֆունկցիայի օգնությամբ օգտագործողը կարող է կոր էկրանի վրա տեսնել ամսաթիվը, ժամանակը, չպատասխանած զանգերը և մարտկոցի լիցքավորվածության մասին տեղեկություն` անջատած էկրանն ակտիվացնելով սմարթֆոնի կորացված ծայրին հպվելով։ Նման մոտեցումը կօգնի ավելացնել սմարթֆոնի աշխատանքի ժամանակն առանց լիցքավորելու։ Նախատեսված է նաև նախորդ կամ հաջորդ էջի, նկարի կամ տեսահոլովակի անցումն էկրանի աջ ծայրին հպվելու միջոցով։

Սմարթֆոնն օգտագործում է 5.7-դյույմանոց Full HD էկրան։ Նմանատիպ պարամետրեր ունի  Galaxy Note 3 պլանշետաֆոնը, բայց հարթ էկրանով։ Մեծ էկրանի օգտագործման համար նախատեված են միաժամանակ զուգահեռաբար ակտիվացված մի քանի ներդիրներ պատկերներ ստանալուն օգնող ֆունկցիաներ։ Օգտագործողի համար հասանելի է էկրանի ղեկավարման միջոցների հարմարեցում աջ կամ ձախ ձեռքով։

Galaxy Round–ն ունի 7.9 մմ հաստություն` 154 գրամ քաշի դեպքում, արտադրողի տվյալներով։Այդ պարամետրերն ավելի փոքր են, քան Note 3–ում, որն ունի 8.3 մմ հաստություն և 169 գրամ քաշ, ինչպես ավելի վաղ հայտնել էր Digit.ru–ն։ Սարքն օգտագործում է ֆլագմանյան սարքերին հատուկ 13–մեգապիքսելանոց հիմնական խցիկ ավտոֆոկուսով և 2–մեգապիքսելանոց դիմային պցիկ, իսկ 2800 մԱչ բավականին տարողունակ մարտկոցն աշխատում է Android 4.3 ժամանակակից օպերացիոն համակարգով։

Ներկայացված սմարթֆոնում օգտագործվում է Qualcomm ընկերության ամենարագ` չորսմիջուկանի  2,3-ԳՀց Snapdragon 800 պրոցեսոր, Հարավային Կորեայում այն ունի LTE հնարավորություն։ Սակայն ընկերության հաղորդման մեջ նշված է, որ բնութագրերը կարող են փոխվել, և Samsung–ը հաճախ թողարկում է յուրաքանչյուր մոդելի երկու մոդիֆիկացիա` LTE Qualcomm պրոցեսորոց և 3G` սեփական չիպով։ Ինչպես Note 3–ը, նոր սմարթֆոնն ունի 3 Գբայթ օպերատիվ հիշողություն և 32 Գբայթ ներկառուցված ֆլեշ–հիշողություն, որը կարելի է ընդլայնել microSD քարտի միջոցով։

Samsung Galaxy Round–ը Հարավային Կորեայում հասանելի է 1000 դոլարով «լյուքս դարչնագույն» երանգով, շուտով վաճառքում կհայտնվեն նաև այլ գունային տարբերակներ։ Ռուսաստանում մատակարարումների և գների մասին առայժմ տեղեկություններ չկան։
-0-

Ծանոթացեք լուրերին առաջինն ու քննարկեք դրանք մեր Telegram-ում

18:48 09.10.2013