Samsung–ը ներկայացրել է իր ամենամեծ սմարթֆոնը
ԵՐԵՎԱՆ, 2 հունիսի. /ԱՌԿԱ/. Samsung Electronics ընկերությունը ներկայացրել է իր հերթական շարքի ամենամեծ սմարթֆոնը` Samsung Galaxy W–ն։ Սարքն ունի 7 դյույմ անկյունագծով էկրան, հայտնում է Cnews–ը։
Թեև Galaxy W էկրանի չափը թույլ է տալիս սարքը պլանշետ անվանել, այնուհանդերձ այն հեռախոսասարք է` զանգեր կատարելու և կարճ հաղորդագրություններ գրելու հնարավորությամբ։ Սարքի դիզայնն այնպես է մշակված, որ օգտագործողը կարողանա այն պահել և զանգել մեկ ձեռքով։
Galaxy W էկրանի թողունակությունը կազմում է 1280 x 720 պիքսել (կողմերի հարաբերակցությունը` 16:9)։ Սարքն ունի 1.2 ԳՀց հաճախականությամբ 4–միջուկանի պրոցեսոր, 1.5 ԳԲ օպերատիվ հիշողությամբ, 16 ԳԲ ներկառուցված հիշողությամբ (ընդլայնման հնարավորությամբ), 8 ՄՊ խցիկով, 3200 մԱժ տարողունակության մարտկոց, LTE հնարավորություն և շուկայում կհայտնվի Android 4.3 Jelly Bean ՕՀ–ով։
Նախքան այդ Samsung–ի ամենամեծ սմարթֆոնը Galaxy Mega 6.3–ն էր, որն ուներ 6.3 դյույմանոց էկրան (Galaxy Mega–ն Samsung–ի «պլանշետաֆոնների» առանձին շարք է)։ Galaxy W նաև սահմանեց Sony Xperia Z Ultra–ի ռեկորդը` 6,44 դյույմ։
Samsung Galaxy W–ն Կորեայում վաճառքում կհայտնվի մոտավորապես 487 դոլարով։ Նորույթը հասանելի կլինի սև, սպիտակ և կարմիր գունային լուծումներով։ Այն դեռևս ներկայացված է միայն Կորեայում։ Այլ երկրներում վաճառքների մասին հայտնի չէ։
Ավելացնենք, որ Samsung–ի շարքի մոդելներից մեկն արդեն կրում է Galaxy W անունը։ Դա նույնպես Android-սմարթֆոն է` թողարկված 2011 թվականին, բայց ունի 3.7–դյույմանոց էկրան։
-0-
Ծանոթացեք լուրերին առաջինն ու քննարկեք դրանք մեր Telegram-ում
18:09 02.06.2014